مسرحیة الجريمة

تأليف الجلندى بن محمد بن نور البلوشي

إعداد عن مسرحیة زيارة المفتش لجون بريسلي

(قاعة لبیت يدل مظھرھا على ثراء صاحب المنزل إلا أن ھناك لمحات من
عدم التناسق وتراكم قطع الأثاث بشكل يوحي بعدم العناية برغم فخامتھا
وارتفاع سعرھا ، صورة مكبرة معلقة في صدر القاعة لصاحب البیت ، رجل
في الخمسین يبدو أكبر من ذلك بكثیر ... باب يؤدي إلى داخل البیت وآخر
في الجانب الأيسر يؤدي إلى الباب الخارجي .. ترتفع إنارة الغرفة تدريجیاً،
يدخل الأب يرتدي ثوب وبیده أوراق كثیرة يراجعھا ، يرتدي نظارة طبیة
مشتت البال يحاول أن يتوصل لحل قضیة ما تحیره وتشل تفكیره ، يتجه إلى
كرسي مجاور للتلیفون وبعد تردد يمسك بالسماعة ويطلب رقم ، يخاطب
شخص يبدو من خلال الحوار بأنه أحد مساعديه بالشركة)
سعود استاذ سلیمان لخبطتني لا تقولي ولا اقول لك مب حرام علیك الیوم إجازة وتعطیني
اوراق معفوسة .. حضرتي .. شنھو ياسلیمان .. عیل لیش موظفك ، لیش ادفع لك
معاش دامنه كل شي انا اللي اسويه.... انت ماذبحتني .. حضرتك وحضرتك .. اسمع
ھذي الفاتورة مال ايش ؟ لحظة اي نشال وأي سماد انا عندي شركة مقاولات
عمارات وفلل وشركات أجھزة وشدخل السماد ... لاتقول حضرتك مره ثانیة .. انتوا
تبون تبوقوني ..سماد .. سماد لا أكید الموضوع ..يالله تكلم قول (يصمت لحظات ..
يضحك) لا لیش ماقلت من الأول جذيه ... (يضحك) ھي قالت تبي سماد .. (يعاود
النظر في الفاتورة) ول عشر نشاشیل سماد وشله عندھا قصر... ايه قلت لي
من ھي ؟ .. لا .. ايه تذكرت .. تستاھل تستاھل ... وھذي الفاتورة ، ابیك تسمع
وبس ، انا لیش فاتح مكتب مب علشان انظم اعمالي مب علشان اضبط دفاتري
.اسكت اقول لك اسمع بس يوم انك تعرف ان كلامي عدل .... (يجلس على
الكرسي) عیل لیش يا أستاذ سلیمان حتى يوم الإجازة تعطیني ملف شكبره
اراجعه في البیت طول الأسبوع شتسوي ھا ؟، يا أستاذ سلیمان تراك ريال .. كسلان
.. عیل انا أقوم بھا الأعمال ، انا كنت اول أبیع واشتري وأحط الأوراق في درج السیارة
لین تذوب ولا كان عندي مشاكل ولا شي .. والیوم أشوفك طولتھا والله يا أستاذ
سلیمان تراك ريال بطالي .. كب .. عیل انا حتى يوم الجمعة اشتغل وانت راقد ..
المشكلة في ھالأوراق يا أستاذ سلیمان من صبح وأنا أقرأھا ومب فاھم شئ ..
اسمع كم رقم ھذيه .. ايه سكرتیري عطني رقمه في البیت .. ايه مشكور ...... الا
اقول استاذ سلیمان .. تراك ريال بطالي (يدير الرقم الذي كتبه وھو يلوم نفسه)
لو تام على حالتي كان أحسن لي .. قسم طباعة وقسم محاسبة .. وقسم موظفین
وھي المسألة ماشیة من الأول ابروحي اراكض من مكان لمكان ولا مكاتب ولا غیره ..
كل ھالفلوس صارت بدون ھالطقطقة ... الو عطیني ريلك .. ھا ... شنھو نايم !!
قولیله عمك بوعادل يبیك ايه ... اي والله نايم وما يبغي حد يزعجه خوش موظفین
والأوراق .. الو وسقم .... الحین شاطر تبرز الملف حق المشاكل اسمع مر علي واخذ
الملف ولازم اتروح حق ھالبطالي وخله يدرس الملف .. شلون .. اتعرف انه اجازة عیل
لیش تعطوني الملف دامنه اجازة ... زين سمعت .. خوش (مستدركاً) اقول المدرس
اللي قلت عنه ايه اللي يعطي دروس خصوصیة ايه .... ايه أصلي تذكرت كلامك عنه
ذكرني ان بنتي سلوى محتاجه لدروس في الكیمیا .. منھو ولد خالك .... زين ...
عدل ....... المھم .. اخلاقه زينه .. خوش ... في أي صف سلوى .. في أي صف
والله مادري صبر . صبر باروح اسألھا وبايك في أي صف والله مادري (يضع السماعة
يحمل الأوراق ويدخل الى الممر المؤدي إلى داخل البیت ، تدخل الأم وھي
امرأة بنفس سن زوجھا تحاول أن تبدو صغیرة ، ترتدي ملابس فاقعة الألوان
تسیر ببطء ، تمسك بسماعة التلفون)
عائشة الو .. لا النمرة غلط ، (تقفل السماعة وتدير رقم معین) صباح الخیر يا أم خالد ،
انا .. انا أم عادل شلونك وشلون بو خالد ، وخالد حبیبي .. والله قلبي كله عندكم
.. ما تشوفین شر يا خويتي ھا ...اقول لا تنسین اللیلة تراني انطرك ايه لا .. لا .. لازم
اتین اتصدقین انا من زمان يالسه ارتب حق عزيمتنا اللیلة .. مريت أمس على الخیاط
.. ايه ما دريتي (يدخل الأب ينظر إلى زوجته بتعجب لا يرد يجلس على
كرسي بعید عنھا) لكن ما علیك قالي باخلص لك أربع فساتین والباقي تعالي
اخذيھم عقب ثلاثة أيام .
سعود سلوى تخرجت من المدرسة من سنة .. خلصت المدرسة العام وانا مادري .
عائشه يا خويتي كذابین يقولون عقب أسبوع ولا يبرزون إلا عقب شھر .
سعود من العام قالت لي أبي مدرس ونسیت ما طره على إلا السنة .
عائشه لا نفنوفي الحمر انكالشمالي ، عبدالرحمن المناعي ، مسرح ، قطر ، الدوحة ، تألیف
، اخراج ، شعر ، أغاني ، كتب ، إصدارات ، شعبي ، تراث ، أشعار ، سیرة فنیة ،
صحافة ، صور ، غناوي الشمالیتت علیه الصالونة .
سعود اشكثر نسیت خلصت المدرسة وانا مادري .
عائشه لا المرتعشة وديتھا عند الصايغ صارت موضة قديمة قلت له ايسويھا شكل غیر .
سعود (لازال يتصفح الأوراق) لكن شلون نص ملیون والفاتورة ما فیھا إلا أربعمائة
وخمسین ألف.
عائشة ما علیك يا خويتي الحین ھذيه اللي يسمونه تركال ايه .. احسن وابرد .
سعود سبعة آلاف وأربعین ألف والفاتورة الأخیرة مكتوبة بالإنجلیزي .
عائشة سعود خلني اعرف اتحجه .
سعود وأربعة آلاف لكن (بھمس)
عائشة لا والحین ما تحاجي احد اللي يشوفھا ايقول ھذي ما فوقھا فوق وانا قبل أسبوع
مسلفتھا ألفین ريال (يدخل عادل شاب في التاسعة عشر يتجه إلى الأب)
عادل يبه من فضلك أبي .
سعود شتبي انت بعد .
عادل يا يبه أبي فلوس .
سعود وشله .
عائشة حق وحده ما تستحي انا قلت لھا سرك في بیر وقالت لي .
عادل يا يبه نبي انروح البر .
سعود عیل الفلوس اشله دامنك بتروح البر .
عادل يا يبه حق البترول والتاير بعدين حتى السیارة صارت قديمة وانت مب راضي تشتر لي
سیارة غیرھا .
عائشة والله قلت ھذي عتیجه قالي الجديدة تحت امرك .
سعود اسمع اللي فیني كافیني كلن يبي انا شله بابد .
عادل بس يا يبه ھذي .
سعود شھاذي .
عائشة ھاذي لسانھا طويل تركیھا عنك نقالة حكي .
عادل يعني ما تكلف وبعدين انا ما عندي فلوس .
سعود انا قلت لك ما عندي ما عندي .
عائشة سعود .. وتالیتھا بتقطك في .....
عادل يا يبه من فضلك بس ھالمره .
سعود (بھمس) قلت لك ما عندي ، ما عندي (يخرج الأب وھو لا يزال يراجع أوراقه ..
يجلس عادل مھموماً)
عائشة والله ودي يا خويتي اسولف وياك لكن الوقت مدارك لا تنسین اللیلة زين مع السلامة.
(تغلق السماعة)
عادل يمه .
عائشة روح في خزانتي تحت الثیاب اخذ لك ألف بس .
عادل مشكورة يا أحلى أم ، مع السلامة .
عائشة تحمل لا تسوق بسرعة .
(يخرج عادل بینما الأم تسیر إلى المرأة تصلح من ھیئتھا ، يدخل الأب)
سعود عائشة وين بشتي الأصفر؟ .
عائشة أي بشت ؟
سعود بشتي .. بشتي الأصفر .
عائشة شوفه يمكن في الخزانة .. والا يمكن تحت السرير .. يمكن نسیته في السیارة
(يخرج .. وتخرج خلفه زوجته ..تدخل سلوى فتاة في العشرين يدل
مظھرھا على عدم المبالاة ، بقع دھنیة وبقع سوداء على ملابسھا تتجه
إلى التلفون)
سلوى الو .. صلاح أنا سوسو ايه سلوى ... نسیت اقولك إن لوحتي الأخیرة خلصت طبعاً
صلاح رسمتھا بطريقة تجريدية يا ريت اتینه وتشوفھا انا لا فھمت ، اتصدق آخر لوحة
طلبت من أبوي يشتريھا كله علشانك .. بس المھم الحین اتجي اتشوف لوحتي
الأخیرة .. انطرك زين (تغلق السماعة وتتجه إلى الخارج)
(يدخل الأب متھیئ للخروج ، وفي طريق خروجه ، يرن جرس الباب
الخارجي .. يدخل رجل في منتصف العمر ھادى ذو نظرات حادة وبیده لعبة
حروف صغیرة يحاول ترتیبھا)
المفتش السلام علیكم .
سعود ھلا وراك داخل بدون استئذان ؟
المفتش سعود بن عبدالعزيز ؟
سعود نعم .
المفتش تاجر وصاحب عقارات ؟
سعود نعم ...
المفتش ايه تفضل .
سعود شلون قولي أول انت منھو وشیاي تبي ؟
المفتش اجلس وانا اقولك كل شي .
سعود ولكن .
المفتش انت اجلس بس وبتفھم كل شي .
سعود ھذاني يلست يالله قول شعندك .
المفتش تدخن يا بو عادل ؟ (يأخذ سیجاره لنفسه) ادري بك ما تدخن .
سعود الحین انت ما تقولي شتبي؟ من انت ؟ داخل بیتي وجالس اتشرط واتحكم ؟
المفتش بو عادل شركتك في الشارع التجاري رقم ثلاثة ؟
سعود نعم .
المفتش في العمارة رقم ٥١ ؟ (يلتفت نحوه)
سعود ايه .. لیش ؟
المفتش كم موظف عندك يا بو عادل ؟
سعود يا أستاذ الحین ما تقولي شتبي مني ، منھو انت ؟
المفتش اسمع يا بو عادل انت ريال ثري صح .
سعود مادري .
المفتش وثروتك مالھا حدود (لا يرد) والحین تستعد لدخول أكبر تجمع تجاري علشان تزيد
ثروتك .
سعود بس ابي اعرف لیش ھالتحقیق .. ولدي فیه شي ؟.
المفتش لا .. لا يا بو عادل ما فیه شي بھا الخصوص .
سعود عیل لیش ھا الاسئلة ؟
المفتش تبي تعرف لیش ؟
سعود من فضلك نشف ريقي .
المفتش بس لازم ترتاح .
سعود انا ...
المفتش سید سعود .
سعود نعم .
المتفش قريت جريدة الیوم ؟
سعود الیوم جمعه ما قره جرايد .
المفتش لیش ؟
سعود لاني ما اروح المكتب .
المفتش عدد الجمعة ما فیه أسھم وعقارات صحیح .
سعود الحین لیش تبیني اقره الجريدة ما تقولي .
المفتش سید سعود .. تعرف البنت ھاذي؟ (يريه صورة فوتوغرافیه)
سعود اشوف .. ايه .. نعم اعرفھا .
المفتش من وين تعرفھا؟
سعود اعرفھا .. لأنھا (يحاول أن يتذكر)
المفتش ما تذكر ؟
سعود لا ....... بس .
المفتش بس شنھو .. طبعاً شبتذكر مشاغلك وايد .
سعود لا انا اذكر أشوف من فضلك (يريه الصورة مرة أخرى)
المفتش عرفتھا زين ؟
سعود لا أكید ھذي اشتغلت عندي .
المفتش متى ؟
سعود ما ذكر .
المفتش للحین تشتغل ؟
سعود لا اعتقد تركت العمل من زمان .
المفتش متى ؟
سعود مادري قبل ثلاث شھور .
المفتش تركت العمل ؟
سعود اعتقد ھالشكل .
المفتش لیش تركت العمل ؟
سعود والله مادري .
المفتش لا تدري بس تذكر زين .
سعود ما اذكر .
المفتش خلاص يا بو عادل لا تثیر اعصابك استريح .. استريح .
(يسیر ببطء متفرجاً على نواحي الصالة)
المفتش عظیم بیت جمیل وكبیر .
سعود يا أستاذ أرجوك قولي وشتبي ؟ وشنھي قصة ھالبنیة ؟
المفتش قولي يا بو عادل شنھو اخبار التجمع اللي تبي تدخل فیه ؟
سعود قصدك شركات العقارات .
المفتش ايه طبعاً تعرف الاختیار على ناس صفحاتھم بیضه.
سعود انا مب عارف قصدك ؟
المفتش والبنیة ؟
سعود شفیھا ؟
المفتش لیش اتركت الشركه ؟
سعود ما عجبھا الشغل .
المفتش ما عجبھا الراتب يمكن .
سعود كانت تاخذ راتب جید .
المفتش عیل لیش اتركت الشركة ؟
سعود وانا اشدراني خلاص تركت العمل وما عادت تھمني .
المفتش ويھمك ان ھالبنت ماتت .
سعود ماتت .. لكن انا شعلاقتي بالموضوع وحتى شعلاقتك .. ولا انت .
المفتش يا بو عادل البنت ماتت .
سعود ايه بس انا مالي خص .
المفتش تعتقد أن سھل الإنسان في بداية حیاته يموت .
سعود لكن .
المفتش شرايین يدھا مقطوعة كلھا .
سعود بس .
المفتش انتحرت قطعت شرايین يدھا نزفت لین صارت مثل أللیمونه وماتت .
سعود بس انا مالي علاقة بھالموضوع .
المفتش ما كانت تشتغل عندك ؟
سعود صحیح .. وھذي جريمة إنھا اشتغلت عندي في يوم من الأيام ؟ وبعدين أنت تقول
انھي انتحرت .
المفتش صحیح .
سعود يعني ما في جريمة في الموضوع .
المفتش لا فیه جريمة .
سعود انت تعتقد ان فیه جريمة بس الواقع انھي انتحرت .
المفتش متى تركت العمل ؟
سعود قلت لك ما ذكر .
المفتش تذكر لیش تركت العمل ؟
سعود مادري .
المفتش لا تدري لیش .. شنھو السبب اللي خلاھا تترك العمل؟
سعود قلت لك مادري .
المفتش انت متأكد انھي تركت العمل ؟
سعود ھا .. اعتقد ھالشكل (بتردد)
المفتش بو عادل .
سعود لازم ھي تركت العمل .
المفتش ما تظن ان واحد من الموظفین ھو اللي اقالھا ؟
سعود لا ما اعتقد .
المفتش يمكن الشركة ھي اللي استغنت عن خدماتھا ؟
سعود لا .. لا
المفتش يمكن لأنھا ما تقوم بعملھا بالشكل المطلوب (لا يرد) ولا تفكر بأنھا تركت العمل من
المضايقات .
سعود لا .. اعتقد ھناك سبب .
المفتش تعرف السبب انت ؟
سعود انا ... لا طبعاً .
المفتش مب انت اللي طردتھا ؟
سعود انا لا أبدا .
المفتش زين يا سید سعود شكانت تشتغل عندكم ؟
سعود سكرتیرة .
المفتش سكرتیره لمن ؟
سعود سكرتیرة .... لمكتبي .
المفتش يعني اتصالھا المباشر معاك .
سعود نعم .
المفتش ولازم تكون عارف لیش تركت العمل أو بالأحرى لیش انطردت من العمل .
سعود كأنك تحقق في جريمة.
المفتش موت بنیه في عز شبابھا مھب جريمة بنظرك .
سعود لا طبعا ھي منتحرة .
المفتش انتحرت لأسباب .
سعود بس انا ..
المفتش انت لازم تقولي الحقیقة يا بو عادل .
سعود أي حقیقة ؟
المفتش لیش البنیة تركت العمل ؟
سعود عاد شوف انا مادري لیش جالس تربط بین انتحارھا وبین عملھا عندي قبل مدة ، لكن
اللي عارفه إني مالي علاقة بالموضوع .
المفتش ايه صحیح ... ما علیه با بو عادل .... شنھو شروط الانضمام للتجمع التجاري اللي
قلت عنه يمكن ينتخبونك رئیس للمشروع ....
سعود انا راح ارفض الكلام قبل ما تقولي .... أنت من ؟ وشعلاقتي بموضوع انتحار ھالبنیة؟
المفتش خلیك صادق وباقولك .
سعود انا قلت لك كل شي .
المفتش لا انت ما قلت .
سعود لا .. اللي اعارفه قلته لك .
المفتش اللي ماقلته انك انت اللي طردت البنیة ........
سعود انا (يلتفت الیه)
المفتش بو عادل لازم تعرف ان البنیة قالت كل شي .
سعود شلون ؟
المفتش قولي الحین لیش طردتھا (يتقدم منه)
سعود طردتھا لأنھا ما تجید العمل .
المفتش ھالشكل علشان ما تجید العمل ... ھذا ھو السبب ؟
سعود نعم .
المفتش كانت تشتغل شھور ما اكتشفتوا الا بعد مرور ھالفترة انھا مب زينة والا ما قدمت
امتحان قبول في البداية ..........
سعود لا قدمت .
المفتش بو عادل تكلم .
سعود انا مالي علاقة بانتحار موظفة قديمة عندي .
المفتش لیش طردتھا ؟
سعود لأنھا ما كانت جیدة مثل ما قلت لك .
المفتش ما كانت جیدة .. من أي ناحیة ؟
سعود في العمل في ضبط المواعید .
المفتش أي مواعید ؟
سعود مواعید الزوار والمترددين .
المفتش بس ؟
سعود قلت لك ما ھي جیده .
المفتش في ايش ؟
سعود في عملھا في علاقاتھا مع الموظفین .
المفتش في علاقتھا مع المدير ....... قول يا بو عادل غیر جیدة في تلقیھا الأوامر اللي مالھا
علاقة بالعمل .... صح .
سعود شا الك ..........
المفتش طردتھا من الوظیفة لأنھا كانت تبي تكون سكرتیرة فقط ... أما أنت كنت تريدھا شي
آخر ... صح ؟
سعود بس أرجوك تكلم بھدوء .
المفتش لیش وشلي يخوفك .. بو عادل يخاف عرفت الحقیقة الحین انت اللي طردتھا لأنھا
كانت مخلصة في عملھا ومجدة بس لأنھا ما طاوعتك في أن تكون عشیقة بالإضافة
إلى عملھا لذلك طردتھا .
سعود انا حر في شركتي .
المفتش صح ... حر .... في أن تقتل بنت في عز شبابھا .
سعود اقتل .
المفتش تعرف إنھا كانت تعمل من أجل خمس إخوان وأم عجوز وأب أعمى .
سعود قلت لك انا مالي علاقة .
المفتش بس نسیت ان أنت السبب في قتلھا ما قدرت أتصور نفسھا تطرد بدون جريمة ...
جريمتھا الشرف واتشوف كل ھالأفراد يموتون من الجوع بسبب نزواتك .
سعود انا .
المفتش تاكل وتفكر بشھواتك تزيدھا بھجة ، تزيدھا من روح المغامرة ، ونسیت أن ھناك ناس
يتحركون علشان لقمة من اللي ترمیھا في زبالتك .
سعود بس انا ما كنت اتصور ان مجرد طردي لموظفة بیوصل لھا الدرجة .
المفتش علشان ھي إنسانه وأنت وصلت إلى مرحلة الحیوانیة ، مشاعرك وأحاسیسك
أصبحت أرقام مثل الفواتیر اللي بین يدك ما عدت تفكر في الإنسان اللي عايش من
فتات أموالك .
سعود بس انا .
المفتش انت مجرم .
سعود انا مجرم ..... مجرم .
المفتش انت قاتل ........
(تدخل الأم تتجه فوراً إلى التلفون ولا تلاحظ رجل التحري الموجود بزاوية
القاعة ، ولم تلاحظ بو عادل)
عائشة الو فیلیب أنا شوشو .. أيه عاشه فستاني الكحلي خلص؟ (تلتفت بضجر فتشاھد
زوجھا ، تتجه إلیه بغضب)... بو عادل .. بو عادل شمجلسك للحین مارحت
قوم عن ھالجلسة انت تبي تفشلني راح الوقت وللحین ما رحت السوق.. ايوه
يافلیب اسمع لازم تخلصه الیوم بعد ساعتین إذا مب عاجبك ولا اسكر محلك
يالخايس.
المفتش أم عادل .
عائشة لاترد علي أحسن لك وبرز الفستان .
المفتش أم عادل .
عائشة (تصرخ بفزع وترمي سماعة الھاتف) بسم الله الرحمن الرحیم ... بو عادل
بیتنا فیه رجل، منھو ھذي يا بو عادل ؟
المفتش أم عادل تعرفین راعیة الصورة ؟
عائشة يا ريال انا ما عرف حد .. بو عادل .
سعود أرجوك .. ھي شیخصھا في الصورة
المفتش شوفي الصورة أول وقولي لي تعرفینھا ولا لا ؟
سعود ھذا مايجوز يا أخ كلمني انا
المفتش انت اجلس مكانك .. ولا تكلم إلا إذا كلمتك .. فاھم ؟
عائشة بو عادل .
سعود شوفیھا .. شوفیھا كل واحد له صورة الیوم .
المفتش شوفي يا أم عادل تعرفینھا؟
عائشة ھذي كأني شايفتھا مره .
سعود تذكري يا أم عادل تذكري .
عائشة انا شايفه ھالوجه بس وين مادري .
المفتش حاولي تذكرين ؟
عائشة ما اذكر .
المفتش لا .. تذكرين حاولي .
عائشة بو عادل .
المفتش أن متأكد انك تعرفینھا. أم عادل انا معجب وايد بھا الفستان صحیح ذوقك ممتاز ولك
اختیار وايد سلیم .
عائشة ھذا عادي مال البیت ، لو تشوف فساتین السھرة اللي عندي كان شقلت ، والا
فستاني الأخیر انا متأكدة لو شفته كان بتقول .
المفتش (يصرخ بھا) ام عادل .. ام عادل .
عائشة (بخوف) نعم .
المفتش من اللي يخیط لك ؟
عائشة خیاط الذوق لكن ملعوزني مع مواعیده تصدق انه يقول لي .
المفتش (يقاطعھا) أم عادل شرايك في الفساتین الجاھزة ؟
عائشة الفساتین الجاھزة حلوه بس ما تجي علینا إلا يتعدل ومن بدال الوحدة .
المفتش سئلتك انت تحبین الفساتین الجاھزة والا لا ؟
عائشة بو عادل لیش ما تكلم؟ ھذا شیريد ومنھو لیش يغتاظ علي ؟
سعود قولي له ھي بدايتھا ھالشكل دائماً .
المفتش جلسي يا أم عادل جلسي ... ھا شقلتي .
عائشة بعض الساعات اشتري فستان أو اثنین في السنة اما باقي فساتیني كلھم تفصیل .
المفتش يعني لازم اتعدلینھم ؟
عائشة ايه .
المفتش لیش ؟
عائشة علشان يصیرون على قد مقاسي .
المفتش زين .. تعرفینھا ؟
عائشة منھي ؟
المفتش راعیة الصورة .
عائشة أي صورة ؟
المفتش اللي راويتك اياھا .
عائشة ما تذكر .
المفتش يودي الصورة وتذكري .
عائشة ايه ... منھي ھذي ، منھي ھذي ؟
المفتش ھا يا أم عادل تذكرتي ؟.
عائشة ھا ...... لا.. لا .
المفتش أم عادل .
عائشة اعتقد اني شفتھا مره .
المفتش وين ؟
عائشة وين .. وين .. عند محلات تبیع ملابس نسائیة .
المفتش شكانت تسوي ؟
عائشة لكن لیش ھالأسئلة ؟
المفتش ھا صحیح .. لازم تعرفین لیش ھالأسئلة .
عائشة ايه ... بو عادل .
المفتش تبین اتعرفین لیش ھالأسئلة ؟
عائشة ايه .
المفتش أخاف أخرب صباحك العظیم يا أم عادل وخاصة وانك جالسه تحضرين لحفلة
عظیمة...
عائشة يدري بالحفلة .
المفتش تدرين لیش ھالحفلة يا أم عادل بأي مناسبة ... وإلا الحفلات بس ھالشكل .
عائشة لا بمناسبة .
المفتش لا تتعبین روحك انا اقولك ھالحفلة علشان تراوين صديقاتك كم فستان فصلتیھم
وقطعتین ذھب اشتريتھم تغیظین فلانه وتحرين فلتانه .
عائشة بو عادل .
المفتش المھم تبین اللحین تعرفین لیش ھالأسئلة .
عائشة ايه لو سمحت .
المفتش ھالبنیة انتحرت امس .
عائشة انتحرت !
المفتش اي نعم انتحرت .
عائشة وانا شعلي منھا .
المفتش على قولتك لیش تعكرين مزاجك المھم ان ھالبنیة يقولون انھا انتحرت ، بس انا اعتقد
ان ھناك قاتل وراء انتحارھا.
عائشة لا حول الله .
المفتش أو يمكن تكون قاتلة .
عائشة وانا شعلاقتي بالموضوع ؟
المفتش أم عادل قبل سنة رشحتي نفسك رئیسة لجمعیة خیرية علشان الفقراء ، صحیح؟
عائشة صحیح .
المفتش طبعاً انتي وايد تحبین الفقراء والأيتام بإعتبارك سیدة مجتمع صحیح ؟
عائشة صحیح .
المفتش زين يا أم عادل ان باقولك انتي لیش مھتمة بھذا النشاط .. انتي بصراحة لا ھمك
فقیر ولا يتیم .انتي اللي يھمك يا أم عادل الظھور .. الظھور باعتبارك سیدة مجتمع
علشان تستعرضین احدث موديل وآخر صیحة في عالم التسريحات في المجلات وكله
على حساب أخبار الجمعیة الخیرية ...
عائشة لا أنت لسانك طويل .
المفتش (بغضب) بس .
عائشة بو عادل .
سعود بس وشعلاقة ھالموضع بالبنیة ؟
المفتش ما كان جزء من اھتمامك ملاحظة الناس اللي يستاھلون العطف وماكان من ضمن
عملك محاولة تعديل وضع المحتاجین .
عائشة ھاذيه اللي كنت اسويه .
المفتش لا انه اقولك في سبیل مظھرك مستعدة تھدمین كل شئ وتسوين عكس المطلوب
...... أم عادل شلون عرفتي البنیه .
عائشة شفتھا.. بس .
المفتش ما دار بینكم أي حديث ؟
عائشة لا .
المفتش ما تكلمتي وياھا ؟
عائشة لیش اتكلم وياھا .
المفتش ولا كلمة ؟
عائشة لا طبعاً سألتھا عن الأشیاء اللي أريدھا .
المفتش عظیم عطتك اللي تبینه ؟
عائشة طبعاً .
المفتش وشكان رايك فیھا ؟
عائشة في من الفستاين ؟
المفتش لا في البنیة .
عائشة كانت عادية .
المفتش يعني ما قالت لك شي ؟
عائشة أبدا .
المفتش أم عادل اشتريتي من عندھا شي ولا لا ؟
عائشة اشتريت ....... اشتريت .
المفتش تذكري .
عائشة لا ما عتقد اشتريت شي .
المفتش لیش ؟
عائشة اذكر ما عجبني شي عندھم .
المفتش ما حاولتي اتجربین فساتین ؟
عائشة قلت لك ما عجبني .
المفتش والبنیة ؟
عائشة اشبلاھا ؟
المفتش اعجبتك ولا لا ؟
عائشة قلت لك مالي علاقة ابھا .
المفتش تدرين انھا تجرعت كمیة من السم قطعت مصارينھا شفتي ذاك الشعر الأسود
الطويل، شفتي ذيك العیون .. كلھا الدود وكل واحد بیموت بیصیر فیه ھالشكل .
عائشة يا رب .
المفتش ينتھي .. الإنسان يتضايق من الدنیا ، يرتكب أكبر إثم بسبب شئ صغیر .
عائشة من فضلك .
المفتش تذكرين شللي صار بالمحل ؟
عائشة قلت لك .
المفتش قولي اللي ما قلتیه شللي صار ؟
عائشة شفت البنیة طلبت منھا تراويني فستان معین .
المفتش كملي .
عائشة طلب صاحب المحل منھا أن تلبسه علشان يقنعني بحلاوته .
المفتش وبعدين ؟
عائشة عجبني واشتريته .
المفتش يعني اشتريتي شي .
عائشة نعم وھذي كل اللي صار
المفتش وبعدين ؟
عائشة خلاص .
المفتش لا مب خلاص .
عائشة بو عادل .
المفتش (بإصرار) يا أم عادل يا سیدة المجتمع قولي باقي القصة .
عائشة خلاص انتھت .

المفتش لا اللي انتھت فتاة مسكینة تدرين شنھو جريمتھا انھي فقیرة ، جمیلة تبیني اكمل
القصة ولا بتقولین.
عائشة مادري شعنه تكلم ؟
المفتش أتكلم عن ناس يشقون طريقھم فوق أحاسیس ومشاعر الآخرين يبنون أمجادھم
الزائفة على ھدم ناس أشراف أكمل ولا اسكت .
عائشة بس انا مالي علاقة .
المفتش انتي كملي القصة عقب ما اشتريتي الفستان اللي جربته اللبنیة ؟
عائشة لبسته وما عجبني ورجعته .
المفتش لا .. لا رفیقتك أم خالد قالت لك مو راكب على جسمك وأنتي حابه الفستان زعلتي
شلون يطلع حلو على البنیة الموظفة الفقیرة وما يطلع حلو علیك .
عائشة بس .
المفتش رجعتي المحل ولما شفتیھا قلت لھا إن الفستان ألوانه بايخة وقالت لك ممكن نعطیك
لون آخر بس نصحتك بأن ھالموديل ما يناسبك ، اغتظتي منھا زيادة وحقدتي علیھا
لما قالت لك انه ما يناسب جسمك .. شلون تتجرأ وتقول لك انه مايناسب جسمك .
عائشة انا .
المفتش وانتي كنت تعتقدين ان ازياء باريس وبريطانیا مفصلة علیك وشلون ما عندھم ذوق
يسون حق جسم فقیرة وما يسون لك انتي يا سیدة المجتمع ž____.. وبعدين ...
عائشة وبعدين رجعت .
المفتش قبل لا ترجعین شصار ؟
عائشة ما صار شي .
المفتش أم عادل .
عائشة رحت حق مدير المحل وقلت له .. وقلت له (تبكي)
المفتش قلتي له ان اللبنیة اللي تبیع سبتك وھانتك وانت تطلبین رد اعتبار بما أن المدير واثق
من البنیة ومن أخلاقھا الحمیدة حاول يطیب خاطرك لكنك رفضتي وراعي المحل ما
يصرفه انك تنقطعین عن المحل ، وبما انك زبونه مغرورة وھبله وتشترين كل شي
شاف ان من مصلحة المكان ان يطرد البیاعة ولا يخسر زبونة مغفلة تصرف بدون
حساب .
عائشة أنا .
المفتش انتي مسكینة يا ام عادل .. وحبك للمظاھر خلاك تصیرين مجرمة .
عائشة أنا مجرمة .
المفتش طبعاً علشان إرضاء نفسك سويتي كل شي بدون ضمیر (لاترد) تقدرين تقولین لي
عزيمتك الیوم شله؟ وشنھو اطايب الطعام ؟ طبعا خاروف محشي وورق عنب وكفته
وزيف وخداع ونفاق ....
عائشة انا حره .
المفتش تدرين انك كنتي السبب في موتھا ؟
عائشة انا .
المفتش طبعاً كانت ما تعرف الا ھالمھنة ، تكد على أخوان أيتام انطردت بالإضافة الى الإھانة
اللي حصلتھا ما قدرت تواجه واقعك الأسود انتحرت ، شربت سم قطع مصارينھا
علشان ينترس بطنك وتلذذين بأحدث الموديلات ، لذلك انتي السبب ، انتي الدافع
لقتلھا انتي المجرمة .......
عائشة انا مجرمة .
سعود تعالي يا أم عادل تعالي .
عائشة (تحاول التھرب من الموضوع) ما رحت للحین .
سعود ما قدر أروح ھذيه واقف لنا مثل العظم ، انا خايف على الحفلة وعلى أعصابك .
عائشة ما علیك خل الحفلة تولي يا بو عادل انا مجرمة ، انا رئیسة الجمعیة الخیرية
مجرمة .
سعود ما تشوفین قصتي .
عائشة شنھي قصتك انت بعد؟
سعود انا لا ... لا ما میش .
المفتش قول لھا يا بو عادل .
عائشة قول .
سعود اقول .. ما علیك منه .
المفتش (يضحك)
سعود ھذي ابنیه فنشتھا .
عائشة آخ يا قلبي أعصابي يا بو عادل .
سعود ما علیك ارتاحي ... ارتاحي .
عائشة ارتاح شلون ارتاح .. انا مجرمة ؟
سعود كلنا في الھوى سوى .
عائشة شلون ؟
المفتش لا تخلیھا في قلبك يا بو عادل قول .
عائشة انت لازم اتقولي وش سوى فیك ھالريال .
سعود ما علیك انتي بس ارتاحي لا يرد علیك الضغط .
المفتش بس الضغط .
عائشة اه .... اه .
سعود أم عادل .... لا تسوين ھالشكل تذكري الحفلة وراك بیأثر علیك التعب .
عائشة خل الحفلة تولي (تقف وتخطو إلى الأمام يرجعھا أبو عادل ويجلسھا على
الكرسي)
سعود المھم اللحین جلسي ...
عائشة آه ........ آه (يدخل عادل مسرعاً)
عادل شبلاھا أمي .
سعود ما بلاھا شي ، ما بلاھا شي .
عائشة آه .. آه .. ماي .
سعود عادل روح يب ماي حق أمك (يندفع عادل خارجاً فیعترضه رجل التحري)
المفتش لحظة يا عادل .
عادل منھو انت .. منھو ھذا ؟
المفتش كلمني انا .
عادل من انت وشتبي ؟
المفتش انا ادور على مجرم .
عادل مجرم .
المفتش نعم قاتل .
عادل قاتل وتدور علیه ھنیه .
المفتش القاتل يدورونه في الأرض أما في السماء فما يروح الا المقتولین وبیتكم من الأرض .
عادل يبه منھو ھذي ؟
المفتش عادل سعود .... صح .
عادل نعم لك ...
المفتش العمر ١٩ سنه .. معید في المدرسة الإعدادية وطلعت على التقاعد العام .
عادل ھذي ما يخصك بعدين لازم اعرف انت منھو وشتبي منه ھذي فوضه لازم تعرف بتكلم
من ، وانت في بیت من .....
المفتش عارف .... عارف .
عادل يبه ...... يبه .
المفتش ارجع ھنیه انت شتسوي كل يوم .
عادل ما يخصك .
المفتش (يمسك به) جاوب بدون عنطزه أحسن لك .
عادل (بھلع) ما سوي شي ادور .
المفتش اتدور بالسیارة ما تشتغل ؟
عادل لا لیش اشتغل .
المفتش صحیح لیش تشتغل لكن شنھو ھمك ؟
عادل يعني شنھو ؟
المفتش يعني شفیه تفكر اخاف اقولك في ايش تحلم لكن اللي مثلك ما يعرف الحلم .
عادل يعني شللي ابیه ؟
المفتش نعم .
عادل ابي سیارة جديدة .
المفتش ما عندك سیارة ؟
عادل لا عندي بس .
المفتش بس صارت موديل قديم ومال العام وتخاف ربعك يضحكون علیك وتبي تغیر السیارة.
عادل مالك خص بحیاتي .
المفتش اتعرف ھالبنیه (يريه الصورة)
سعود بعد عدول له صورة .. لاحول ولاقوة الا بالله .
عائشة وانت لك صورة بعد ؟
سعود سكتي بالله علیك
عائشة بوعادل !
المفتش شوفھا عدل ياعدوله ..
عادل لا ما عرفھا ...
المفتش لیش ... علشان تعرف بنات وايد غیرھا .
عادل اعرف بس ھذي ما عرفھا .
المفتش وانت شبتعرف وشبتذكر ما قط قلت حق ابوك تبي تزوج .
عادل لا .
المفتش وھالبنیة اللي في الصورة .
عادل قلت لك ما عرفھا .
المفتش تذكر يا عادل .
عادل قلت لك ما عرفھا .
المفتش من وين تاخذ مصروفك ؟
عادل ما علیك .
المفتش (بغضب) لا علي ادري ان أبوك ما يعطیك قول ولا تبي اقول حق ابوك .
عادل من عند أمي .
المفتش زين عیل قول حق امك شله تاخذ الفلوس ؟
عادل حق ...... حق .
المفتش حق البیت .. حق البیت الخاص يا عادل .
عادل بیت .
سعود افا عندك كنیسة ياعدول
المفتش ايه بس اصغر من الكنیسة اللي عندك .
عائشة يعني شنھو يابوعادل ؟
سعود ھا لا .. سكتي عاد فكینا...
المفتش لیش ما تقول الحقیقة ، لیش ما تقولھم حق فواتیر التلفون والھدايا ، حق السھرات
وعدم المسئولیة .
عادل بس ھذي ما يخصك .
المفتش بس يخصني .. انك تقولي عرفتھا .
عادل منھي ؟
المفتش شوف الصورة مرة ثانیة وتذكر عدل .. ولا بعدين باذكرك بكل شي وبصوت أعلى .
عادل اعتقد اني شفتھا
المفتش تعتقد ولا عرفتھا؟
عادل عرفتھا .
المفتش وين عرفتھا ؟
عادل بیت اخت صديقي .
المفتش كمل .
عادل وبس .. بس لیش ھالأسئلة ؟ وشعلیك مني أو منھا ؟
المفتش كمل وشصار بعدين ؟
عادل قلت لك اللي صار ما يھمك ،
المفتش ويھمك انت ان تعرف ان ھالبنیة انتحرت ، حرقت روحھا .
عادل ھا... انتحرت .. بس انا شعلاقتي؟
المفتش أظن لو كملت القصة بتعرف علاقتك .
عادل أي قصة ؟
المفتش قصتك وياھا ياعدوله. بتقول ولا اقول ؟
عادل انا كنت على علاقة وياھا .
المفتش وبعدين ؟
عادل بعدين اختلفنا وكل واحد راح بطريقه .
المفتش ابھا السھوله ما في سبب ؟
عادل طبعاً لا .
المفتش ما كنت أوھمتھا بشي ؟
عادل قلت لك ھذا ھي الحقیقة.
المفتش الحقیقة انك ضحكت علیھا .
عادل أبدا .
المفتش الحقیقة انك حاولت انك تخلیھا وحده من ضحاياك بس لما شفتھا شريفه وما عطتك
على كیفك ، كبرت في راسك شلون وحده تتجرأ على رفضك .. أوھمتھا انك تحبھا
وماتقدر تستغني عنھا وأقنعتھا ان تتزوجھا بالسر لین تقدر تقنع أبوك اللي قلت لھا
انه متخلف وماراح يوافق على زواجكم .. المسكینة صدقتك ووافقت على أمل انك
تعلن زواجك منھا بعد فترة .
عادل لا مو صحیح.
المفتش ولما قضیت معاھا ست شھور .. قلت لھا أبوي ما يرضى اتزوج وحدة فقیرة ومو من
مستواكم الاجتماعي .
عادل انا حر .
المفتش صحیح حر في انك بانزواتك تحطم كل شي في سبیل رغباتك تخلي الحرام حلال
تعرف شللي صار ما قدرت تسوي أي شي لعنت الیوم اللي شافتك فیه لعنت حظھا
لكن ما كان ھناك طريق رجعه لمستواھا ، ماقدرت تنزل الدرجات اللي وصلتھا لھا انت
فضلت انھا تموت ، تحرق نفسھا على أنھا ترجع بعد ما صارت قذرة مثلك وكنت انت
السبب ، انت المجرم الحقیقي وراء موت بنت في ربیع عمرھا كانت إنسانة عادية ...
عادل انا .
المفتش نعم انت يا سید عادل .
عادل بس .
المفتش كل واحد يعتقد ان ھالحیاة له بروحه .
عائشة عادل شبلاه ؟
سعود لا بس فششوه .
عادل يبه .
المفتش لا تقول شي يا عادل لو ما كان أبوك ما صرت .
عائشة واحنا بنتم على ھالحاله .
المفتش شوف راسك ما تحس بضعفھا الا لما تدعم حائط مسلح ساعتھا تحس شكثر راسك
ضعیف .
سعود للحین ماعرفنا انت من .. وشللي تبیه منا.. وشللي بینكشف أكثر وشبنخسر بعد..
المفتش منطق الربح والخسارة .. ھذا اھو السايد يابوعادل .. بتخسر ان تكون عضو مجلس
إدارة في التجمع 8 و التجاري وراك بنت منتحرة .. اما سیدة المجتمع ورئیسة الجمعیة
الخیرية اللي ما عرفت في عمرھا شلون ياكلون الفقاره مصیبتھا عوده .
سعود من فضلك لا يرد علیھا .
المفتش شیرد علیھا .. الضغط ولا السكري .
سعود المھم متى تنتھي ھالقصة .
المفتش اي قصة ؟
سعود قصة ھالبحث وراء السبب .
المفتش لین ينتھي السبب يا بوعادل ، لو انتھت ھالقصة بیتم السبب وبتصیر قصة غیرھا
بس انا اھنیه لازم اوصل للمجرم .
سعود بس ما ھناك جريمة .
المفتش لا انتحارھا مشكوك فیه ، اسمع يا بو عادل .
سعود خیر .
المفتش ابنیة جمیلة ، في بداية حیاتھا شللي يخلیھا تنتحر
الجمیع أي بنیه ؟
(تدخل سلوى ، تتجه إلى التلفون تستغرب من وجود أبیھا وأمھا وأخوھا
مجتمعین وكأنھا تراھم لأول مرة ، ترفع السماعة وتدير رقم معین)
سلوى الو صلاح لیش للحین ما جیت واللي يسلمك تجي بسرعه ، ايه انا محتاجة
لتوجیھاتك من فضلك تعالي بسرعة لو سمحت ، انطرك يا صلاح ، مع السلامة .
(تقفل السماعة يتقدم منھا المفتش)
المفتش صلاح الفنان التشكیلي متزوج وله اربعة أولاد يا سوسو .
سلوى نعم ؟ منھو انت ؟
المفتش أھلا يا آنسه سلوى من مته تھتمین بالفنون والرسم ؟
سلوى يبه منھو ھذيه ؟
المفتش تبین تصیرين رسامه بفلوس أبوك ياسوسو.
سلوى احترم نفسك ..
المفتش تذكرين السنة الماضیة كنتي تكتبین في الصحف والصحفي ممدوح اللي كان يكتب
لك زوجته تركته بسببك .. ويوم ترك البلاد انكشفتي .. رديتي على الرسم.
سلوى كذب .. ھذي ظريبة النجاح والشھرة ..
المفتش ھذا الحكي مب علي انا ياسوسو ..
سلوى يبه وبعدين لیش ساكتین ..
سعود طلع لھا الصورة وريحھا
عادل الله يستر وشوراھا
سعود مابیكون اخس من اللي وراك
عادل يبه ...
سعود جب
المفتش مره اھتمیتي بقراءة الكتب مثل ما تھتمین اللحین بالرسم ما قط مره قريتي قصة
انتحار .
سلوى اكید قريت ھالقصص .
المفتش وفیه قصة تروى حكاية ابنیه انتحرت .
سلوى ابنیه انتحرت ... بس يا يبه ما عرف شالقصة ومنھو ھالريال ؟
سعود تكلمي يا سلوى ردي علیه واعتبرينا غیر موجودين .
سلوى ومن مته كنتوا موجودين ؟
المفتش واللحین ؟
سلوى اعتقد اني قريت قصة فیھا بنیه .
المفتش تنتحر لكن في الأخیر يكتشف البولیس بأن صديقتھا ھي اللي قتلتھا .
سلوى صحیح .
المفتش شنھو باعتقادك السبب ؟
سلوى السبب . والله ما تذكر ھالقصة بالذات راحت عن بالي .
المفتش ما تفكرين بأن السبب الغیرة ؟
سلوى الغیرة .. يجوز ولو اني ما اعتقد ان ھالأيام يوصل الحب حد الغ__________یرة .
المفتش صحیح لكن ممكن ھالقصص تتنفذ مب من دافع حب حقیقي لكن من دافع رغبة في
الامتلاك أو رغبة في التحدي .
سلوى يجوز .
المفتش يعني ممكن وحده ذكیه تقتبس قصة معینة و أطبقھا واقعیاً .
سلوى انا ما قلت .
المفتش يعني ان وحده تقتل صديقتھا علشان قدرت تأخذ منھا حبیبھا شي ممكن يحدث .
سلوى لا ما اعتقد .
المفتش وترسم جريمتھا حسب كتاب قرته بحیث تقنع الناس انھي ماتت منتحرة .
سلوى بس ھالأمثله شعلاقتھا فیني اذا تبیني اجاوبك بصراحة قولي شنھو الموضوع ؟يبه
قولي شنھو الموضوع ؟
سعود بیقولك بكل شي لا تستعجلین .
المفتش أنسة سلوى .
سلوى نعم .
المفتش تعرفین صاحبة ھالصورة ؟
سلوى (تنظر للصوره من بعد) ماأعرفھا.
المفتش متأكدة ؟
سلوى ما تذكر .
المفتش ما تعرفینھا أو ما تذكرين ؟
سلوى أكید ما عرفھا يمكن شفتھا صدفه بشارع بمحل ما تذكر .
المفتش وين متعودة تروحین ؟
سلوى مته .
المفتش أوقات فراغك ؟
سلوى إي مكان يعجبني ما في مكان محدد .
المفتش مع من ؟
سلوى مع أحمد .
المفتش منھو أحمد ؟
سلوى خطیبي .
المفتش غیر صلاح الفنان التشكیلي؟
سلوى شعلاقة كل ھالمواضیع ، احمد وصلاح ووين أروح بصورة بنت .
المفتش يمكن تقولین لي عن أكثر الأماكن اللي رحتیھا ؟
سلوى الكازينو .
المفتش للحین تروحین له .
سلوى لا
المفتش لیش .
سلوى بس فھمني شالموضوع ؟
المفتش للحین تروحین له ؟
سلوى لا .
المفتش لیش ؟ (لا ترد) لیش ؟
سلوى لانه ما عاد يعجب أحمد .
المفتش زين شوفي ھالصورة مرة ثانیة .
سلوى قلت لك ما عرفھا .
المفتش وانا قلت لك شوفیھا .
سلوى ما عرفھا .
المفتش حاولي تذكرين الكازينو البحري بین الأشجار وجدامك البحر بامتداده وإسراره ومعاك
الخطیب المحترم ، وكل شي يخلیك تشعرين بأن كل الدنیا ملكك ، وبین يدك ما
تصورين شي ينغص علیك ذيك اللحظة .. تذكري .
سلوى شتبیني اتذكر ؟
المفتش اللي تبین تنسینه ؟
سلوى يا يبه مب معقول .
المفتش عرفتیھا ؟
سلوى ما اعتقد .
المفتش (بصوت مرتفع) عرفتیھا ؟
سلوى يمكن تكون خدامه بالكازينو ؟
المتفش يمكن ولا ھي ؟
سلوى (بخوف) اعتقد ھي .
المفتش وباقي القصة .
سلوى ھذي كل شي .
المفتش الساعة خمس كنتي في الكازينو انتي واحمد جلستوا في مكانكم المعتاد ، تقدمت
منكم علشان تلبي طلباتكم وبعدين شللي صار .
سلوى ما اذكر .
المفتش قولي القصة والا أكمل وبالتفصیل شللي صار ؟
سلوى يبه .
سعود قولي القصة لا تخافین كل واحد له قصة واحنا ما ندري .
سلوى انا دu1605 ما اذكر ، ما اذكر .
المفتش تذكرين احمد .
سلوى شفیه ؟
المفتش وينه ؟
سلوى ما دري .
المفتش تركك .
سلوى لا ...... بس .
المفتش احمد انصرف إلى حیاة غیر وانتي كنتي السبب .
سلوى ما ادري شعنه اتكلم .
المفتش تذكرين لما طلبتي من البنیة اثنین عصیر .
سلوى نعم .
المفتش ابتسمت بحكم مھنتھا وراحت تحضر لكم طلباتكم ، بعدھا سرح احمد عنك ، ولما
رجعت جلس احمد يطالعھا لین حطت العصیر وراحت ، ولما سئلتیه قالك لا ما فیه
شي لكنه تعذر بأنه بیسوي مكالمة تلفونیه ، لیش ساكته ؟
سلوى وبعد ما راح شكیت في الموضوع رحت وراه وشفته واقف يكلمھا ، ما عرفت
شاسوي مب معقول يكون تافه لي ھالدرجة لحد خدامة في مطعم .
المفتش طبعاً رجعتي مكانك ولما رجع قلت له انا مصدعه وباروح البیت .وعقبھا تغیر علیك
احمد وايد ولما تجسستي علیه عرفتي انه حب البنت الخدامة اللي في الكازينو لانھا
انسانة مثقفة حقیقیة ومو مدعیة مثلك.
سلوى انا
المفتش ايه انتي .. عقبھا انقھرتي وفقدتي أعصابك يوم فسخ خطبته .. رحتي الكازينو انتي
وصديقتك وطلبتوا من نفس البنت عصیر عقبھا فصختي خاتمك الألماس الثمین ولما
ناديتوھا تاخذ الحساب غافلتیھا ورمیتي خاتمك الألماس في جیبھا دون ماتدري ..
ولما راحت صرختي خاتمك ضاع ولما ياكم مدير الكازينو اتھمتوا البنت بسرقته .
سلوى صحیح .
المفتش المدير طرد البنت بعد ما حصلوا الخاتم في جیبھا ماكتفیت وطلبتي لھا الشرطة البنت
انسجنت وانطردت من عملھا .. وما عرفتي ان ھالبنیه مالھا ذنب . خطیبك أحمد اھو
اللي كان معجب فیھا واللي ماتعرفینه انھا كانت تصده وتقول له خطیبتك أحلى مني
ومن مستواك ومبین علیھا بنت طیبة وماكانت تدري بالشیطان اللي داخلك.
سلوى انا .
المفتش طبعاً انتي بعد ما انطردت بدون ذنب وانسجنت بعد ما انھانت وتغربلت صار ملفھا
اسود جاعت وجاعوا آخرين وراھا انتحرت فھمتي انتحرت ، ماتت وھي بعز شبابھا
وانتي .. السبب .. انتي مجرمة .
سلوى يبه .
سعود حیاك (يفسحون لھا مكان بینھم )
المفتش اللحین تقريباً وصلنا .
سعود يعني شنھو ؟
المفتش يعني باقي خطوه ونوصل لآخر نقطه للقاتل الحقیقي .
سلوى عادل .
عادل أرجوك يا سلوى خلیني في حالي .
سعود ام عادل إنشاء الله احسن .
أم عادل أخ ..
المفتش ام عادل وابو عادل وعادل وسلوى حیاة ، حیاة قائمة بذاتھا يا ريت تعرفون
انكم جزء من كل ... يا لیتكم تعرفون ان كثیر من تصرفاتكم احد من سكین واصوب من
مسدس ، لكن تبقون في نظر المجتمع أبرياء مب أبرياء وبس تبقون صورة المجتمع
وجه اللماع وانتوا في عیون الطبقة اللي اتحكمون فیھا مجرمین .
عادل يعني احنا مھب مجرمین .
المفتش لا المھم اللحین تعريتوا بینكم وبین نفسكم مجرمین ولا نسیتوا البنیة .
سعود المھم شنھو الخطوة اللي عقبھا .
المفتش تنتظر الجزاء يا بو عادل متعود كل شي وله جزاء لكن شللي تنتظره ؟
سعود انتظر نھاية لھا الموضوع .
المفتش يعني تبي تعرف جريمتك .
سعود اذا .
المفتش نعم .
سعود نعم ابي اعرف جريمتي .
المفتش قول ھل الناس بیعرفون جريمتي أم انت عرفتھا لكن اللص لین سرق ما يسئلونه ..
شنھو دافعه المھم انه سرق .
عادل زين اللحین عرفت القاتل .
المفتش نعم عرفته .
سعود منھو ؟
(يرن جرس ھاتف المفتش النقال يرد علیه بكلمات ھامسة .. يتقدم رجل
التحري بصمت بعد أن يغلق الھاتف، ويجلس على أحد الكراسي في حالة
ذھول)
سعود الظاھر ان قضیتنا ما راح تنتھي .
عائشة ما توصلت الى نتیجة .
المفتش كم رقم بیتكم يابوعادل ؟
سعود رقم بیتنا اثناعشر .
المفتش انا أسف يابوعادل الظاھر اني غلطت في رقم البیت البلاغ كان عن البیت رقم ثلاثة
عشر ..
(يخرج المفتش بینما يبقى الجمیع في حالة ذھول للحظات بعدھا يعودون
لأعمالھم المعتادة وكأن شي لم يحدث)