مسرحیة ھوبیل يالمال

تأليف عبدالرحمن المناعي
المشھد الأول
حكاية فرقة مسرحیة تحاول أن تجسد مايدور في احد أحیا ء المدينة من
سلبیات وسیطرة التاجر بورجب بمقدرات الناس .. ويدور المحور الآخ ر حول
سیطرة الممثل الأول للفرقة على العرض المسرحي ومخرج العرض .
ھوبیل يالمال :ھو مطلع لاغنیة شعبیة خلیجیة
(ام سالم أرملة في الخمسین من عمرھا سلیطة اللسان على خلاف دائم
وجارھا العجوز راشد ..تقف خلف بابھا في انتظار عودة راشد من
السوق عندما تشاھده تخرج من خلف الباب مسرعة له)
أم سالم شوف احسن لك .. والله ما يودت اعیالك .
راشد شبتسوين فیھم ؟.
أم سالم باعضھم .
راشد ولیش ھالعداوة ؟
أم سالم مھب عداوة الا عیالك مب امخلین حد كسروا بابي ، كسروا الدرايش ، امس امیودين
الديايه السوده وكاسرين ريلھا يبت لھا چیس ج ص علشان اجبرھاخذوا الچیس
ونثروه، كله راح في حلچ ابقرتي واكیه مريضه بتموت وكله من تحت راس اعیالك اللي
ما عندھم أدب .
راشد اشدراچ ؟
ام سالم شدراني عن شنھو ؟.
راشد اذا كان عندھم أدب ولا لا .
أم سالم دام انت ابوھم .. ويه مالت علیك ريال .
راشد شوفي يودي لسانچ عنھم احسن لچ حشا انتي مھب مره .
أم سالم شوف عاد أحسن لك ترا بوديك في داھیة .
راشد كش .
ام سالم على كیفك اذا ما خلیت عیالك سیابیل .
راشد كش .
أم سالم والله لا اروح حق المطوع وخلیه ايسوي لھم عمل .
راشد لا ما يبون عمل للحین ما خلصوا المدرسة .
أم سالم اتطنز ما علیھه يا الاكرف والله العظیم من ماتت البقرة لا اروح الشرطة واشتكي علیك.

راشد يبه انتي ما عندچ الا الشرطة ما تم حد في الفريچ الا يبتیله الشرطة !
أم سالم الا انته .
راشد الله يخلیچ ھذي من زود المحبة .
أم سالم وع .. محبه لك انت حبك يريور قول آمین .
راشد ما علیه يا أم سالم مردج بتعقلین .
أم سالم احترم نفسك شقالوا لك مینونه .
راشد لا .. لا بس مخروشه .
أم سالم عاد شوف .
(من صال ةالعرض يقف شاب في مقتبل ال عمر يقوم بدور مخرج العرض
المسرحي)
المخرج بس .. بس شالفوضه من اللي قال لكم تبتدون في وين انتوا من اللي قالكم ابتدوا ؟
من اللي قالكم مثلوا؟.
راشد الناس وصلو
المخرج وانته شعلیك من الناس يالله داخل .
راشد اروح داخل .
المخرج ايه روح داخل .
راشد والتمثیل .
المخرج من اللي قال لك مثل .
راشد انت .
المخرج انا .. انا قلت لك مثل وين راعي الستارة .. يا راعي الستارة .
ص. الستارة نعم .. نعم .. امر .
المخرج من اللي قالك افتح الستارة .
ص. الساترة تبي الصچ .
المخرج قول لا تخاف .
الستارة ھذيه قاللي بطل الستارة (يشیر للمثل الذي يقوم بدور راشد)
المخرج غلط انا اللي أقول له افتح الستارة بس ، لیش اتقول له افتح الستارة . انت مخرج ولا
ممثل؟
راشد بس الناس كلھم ياو انتوا قلتولھم الساعة ثمان وصارت الساعة ثمان ، قلت له بطل
الستارة .
المخرج انت للحین ما صرت فنان ، بس قلنا الساعة ثمان وصدقت احنا قلنا الساعة ثمان
علشان ايون الساعة ثمان ونفتح ثمان ونصف .
راشد بس انته كاتب ترفع الستارة ثمان .
المخرج صحیح بس الناس ايون الساعة ثمان وبعدين انته مالك حق في ھالأمور . يالله داخل يا
الله .
راشد ودوري اللي مثلته .
المخرج شفیه .
راشد لازم تعطوني علیه افلوس .
المخرج يالله برع والله اخراطه توه أول دور يمثله يفكر في الفلوس وانتي وشتنتظرين ؟.
أم سالم انتظرك .
المخرج شله ؟
أم سالم ابي اعضك .
المخرج يالله عاد يالله .. انت يا راعي الإنارة نزل النور الشمس للحین ما طلعت بعد شوي ،
بعد شوي وأنت آخر مرة تفتح الستارة بدون إذني سامع يالله الحین نبدأ (يخرج)
(الوقت كما حدده المخرج في الصباح الباكر ..يدخل غالي رجل في
الأربعین صاحب المقھى يبدأ في ترتیب أدواته)
غالي يالله صباح خیر مادرى شللي صار في ھالفريج ... ايه دنی ا.. يالله لقمة حلال من
ھالناس ، أو أي ناس مش مھم بس اتكون حلال میه في المیه .. لا يا ربي ھذا مب
شرط بس مابي احس بالنار يكفي طول النھار مع ھ الكداوه والیمر يلسعني من كل
صوب.
(يدخل مبروك رجل في الخمسین من عمره يرتدي ملابس غريبة ويتحدث
اللغة العربیة الفصحى)
مبروك السلام علیكم .
غالي نعم .. علیكم السلام .
مبروك صه .. السلام علیكم يا أصحاب فريق البركة .

غالي وعلیكم السلام .
مبروك صه
غالي يبه انه من اھل الفريچ .
مبروك اعرف .. اعرف .
غالي يبه .. عیل إذا تعرف شله میود علي صه وصه .
مبروك ظننتك غريب .
غالي اللحین منھو اللي غريب انا ولا انت .
مبروك انا لست غريب أيھا المقھوي .
غالي المقھوي .. انزين عیل من انت؟ .
مبروك انا... الا تعرفني ؟.
غالي شنھو انت علشان اعرفك أول مرة اشوفك .
مبروك صلي على النبي .
غالي ألف الصلاة علیه .
مبروك انا يا بني اتیت من ... (يريد الجلوس)
غالي قم .. قم.
مبروك ولماذا ؟
غالي يبه ما يصیر تیلس.
مبروك ولماذا ؟
غالي بس.
مبروك وما السبب ؟.
غالي يبه ما فیه سبب بس ممنوع تیلس اللحین .
مبروك عجیباً أمرك ايھا المقھوي .
غالي أقول.
مبروك قل.
غالي أبي اسألك سؤال.

مبروك اسأل ما شئت أيھا المقھوي.
غالي مقھوي في مجلس ابوك میود على مقھوي ، مقھوي .
مبروك لا علیك اياه الصديق ، ما ھو سؤالك .
غالي لا استحي.
مبروك اسأل.
غالي اقول لیش ما تتكلم مثلنا ؟اقصد اتكلم مثل لغتنا .
مبروك انا أتكلم مثلكم .
غالي لا .. لا ، أنا قصدي أتكلم مثل لغتنا .
مبروك وأنا أفعل .
غالي لا أنت أتكلم غیر.
مبروك وبأي لغة تريدني التحدث.
غالي تتكلم مثلنا باللغة العربیة مثلنا .
مبروك (يضحك) سبحان الله .. أنت متأكد أن ھذا ھو فريق البركة .
غالي انا اقولك تكلم مثلنا ، فريجنا اسمه البرچه سويته البركه مادري .
مبروك ايھا .
غالي ھا.
مبروك ايھا المغفل.
غالي أيه أحسن
مبروك ان الإسم الأصلي لمنطقتكم ھذه ھو البركه لإشتھار اھلھا بالبركه .
غالي عیل شلون صارت البرچه .
مبروك لحق الأسم التشويه مثل ما لحق أھلھا ايھا .
غالي الثانیة أحسن .
مبروك ولكن اخبرني آين ھم أھل ھذه المنطقة ؟
غالي راقدين .
مبروك ماذا ؟

غالي نايمین .
مبروك ولكن الآن الساعة الثامنة صباحاً .
غالي ايه وانت شعلیك من الناس .
مبروك ما فاز الا النوم .
غالي لا احنا فزنا ببطولة بوسبیت حي لو میت العام .
مبروك وماذا كانت النتیجة .
غالي میت لكن ما قلت لي انت من ؟
مبروك انني في مھمة رسمیة .
غالي عرفتك انت اللي اتصلح البوالیع .
مبروك اخرس
غالي ردينه .. ردينه .
مبروك انا اصلح البوالیع ايھا المعتوه .
غالي ھذي احسن من اللي قبلھا .
مبروك ولكنك معذور لانك لا تعرفني .
غالي يعني انت معروف .
مبروك طبعاً وھل ھناك إنسان على وجه الكرة الأرضیة لا يعرفني .
غالي ايه انت اللي تمثل في وضحى .
مبروك من ؟
غالي وضحى ما تعرفھا رفیجة بن عجلان چنك ابوھا .
مبروك يا بني حسن ألفاظك وقل شیئا معقول قبل ان اضربك .
غالي ايه انت مدرب كرة قدم .
مبروك انا .
غالي عیل يبه اللحین ما يشتھر الا المطرب ولاعب الكرة والممثل .
مبروك ولماذا المطرب ولاعب الكره والممثل .

غالي على شرط مب كل مطرب لازم يلبس ثوب منقط وغتره مزرية و .. اما شنھو يغني مب
مھم لكن انت وينك ووين ھالسوالف .
مبروك لا ارجوك يا بني اريدك ان تحدثني بكل شئ بكل شئ .
غالي بس انت شیفھمك في الرياضة والتمثیل .
مبروك قل ولا علیك .
غالي وفي الرياضة ما يشتھر الا اللي يسجل ھدف .
مبروك كیف ؟ (يھم بالجلوس)
غالي يعني اللحین قم .. قم يبه انا قلت لك لا تیلس .
مبروك حاضر وبعد .
غالي اقول يعني اللي يسجل ھدف يشتھر واللي ينقذ مرماه من ھدف ولا احد يسمع عنه
ما فیه مساواه .
مبروك ومن أين أتیت بكل ھذه المعلومات .
غالي من اللي ايون القھوة .
مبروك اما لھم حديث غیر ھذه الأمور ..
غالي شتشوف اول امس مات واحد من فريجنا ، تیمعوا اعیاله علشان ورثته حصلوا ثلاثین
الف.
مبروك ريال .
غالي لا ثلاثین ألف شريط كاسیت .
مبروك عجیب امر ھذه المنطقة ، ولكن الا تظن ان ھذا الوقت متأخر واشك في نومھم .
غالي بعد النوم يشكون فیه ما تقولي شله يصحون ؟
مبروك يا للطامة الكبرى .
غالي نايمین على مشاكلھم .
مبروك ولكن آلا تدرك أنھم أطالوا النوم ؟ وكما يقول الشاعر ولا أطال النوم عمراً .
غالي ھذي ايام شاعرك راحت ، اول ما عنده توقیع دوام ولا شي ، يعني يسھر وينام النھار،
أما ذول عندھم التزامات بعد شوي اتشوفھم انتشروا .
مبروك في أي ساعة .


غالي الساعة تسع وعقب شوي كل واحد رد وعرقاته اتصب وفي يده خريطة ولا تشوفه الا
المغرب .
مبروك في أي ساعة يعود .
غالي ثناعشر الظھر ولا يطلع الا المغرب .
مبروك ومتى يعود .
غالي عاد ھذي اللي محد يدري ابھا .
مبروك لا حول ولا ق وة الا بالله .. ايھا النائمون (يكرر ندائه وھو يسیر بین البیوت حتى
يخرج من المسرح) ايھا النائمون .
غالي يا حج ي تعال ما قلت لي من انت وشتبي .. حجي ، حجي والله مشكلة ، لا أكید
ھذي مال التفلونات أو مال الكھرباء لا ويبي يیلس ...
(في أثناء حديث غالي يدخل ابورجب تاجر صاحب نفوذ تجاوز الأربعین وفي
ذات الوقت ھو الممثل الأول في الفرقة الم سرحیة ، غیور يكره مزاحمة
الآخرين)
ابو رجب منھو اللي يبي يیلس ؟
غالي اھلا .. يا ھلا يا ھلا .. صبحك بالخیر .
ابو رجب منھو اللي يبي يیلس ؟
غالي ما علیك منه اھو بس يبي يیلس ويلس ما خلیته .
ابو رجب انا عشرين مرة قلت لك محد يیلس في ھالقھوه قبل لايلس انا .. سامع .
غالي انا سامع ، سامع .
ابو رجب ايه خلك ريال وحط بالك زين ولا تعرف ايش ايصیر لك .
غالي عاد انا مجنون اتفضل والله العظیم انك ريال معتوه.
ابو رجب شنھو ؟
غالي ھذا انكلیزي يا عمي ، ياني ھذي اللي بغى يیلس .. ويلس ايتكلم وياي لكن ھذه
الكلمة معناھا ريال زين كريم .
ابو رجب روح يبلي چاي .
غالي حمر ولا حلیب .
ابو رجب حمر ... حمر ... احمر منك .
غالي انشالله .. انشالله .

(يدخل دھام رجل فقیر من أھالي البركة .. لايسمع جیدا)
دھام السلام علیكم .
ابو رجب وعلیكم السلام .
دھام اشلونك يا بو رجب .
ابو رجب احسن منك .
دھام الله يعطیك طولت العمر (بعد فترة صمت) طال عمرك ما شفت ھذي اللي يدور في
الفريج من صبح (لا ير د) ھذي الغريب اللي يتكلم نحوي ، ما شفته ، ھا .. لا انا
عبالي شفته .. ما شفته .. زين مردك اتشوفه وين بیروح لازم بیرد اھنیه .. انا شفتك
اھنیه قلت اكید شفته لكن .. ھه ما شفته .. لا مردك بتشوفه .
ابو رجب (بغضب) بس .
دھام حاضر.
ابو رجب انتو ما تقولون لي من ھذي اللي يالسین من صبح عورتوا راسي علشانه .
غالي چنه اھو يا عمي ياي .
بو رجب منھو ؟
دھام اللي قلنا لك علیه .
ابو رجب والله مشكله .
مبروك (يدخل مبروك مرة أخرى وھو يواصل ندائه لإيقاظ الناس) يا ناس .. يا ناس .. يا
نیام .. اصحوا ، اصحوا .
ابو رجب ھذا مسحر يمكن .
دھام لا يا بو رجب ھذي أكید مینون .
ابو رجب وشلون تخلیه ياخذ مكانك .
مبروك يا ناس يا أھالي منطقة البركه اصحوا .
بو رجب تعال يا مخبل .
مبروك اخرس ... يا أھالي .
ابو رجب ھا اقولك تعال لا اقوم لك .
مبروك اخرس .. اصحوا ، اصحوا .
ابو رجب اسمع انت لازم تعرف بتكلم من
مبروك الغريب أيھا الأستاذ نكران أھل ھذه المنطقة .
ابو رجب اشوفك الا تخربط شنھو ھذي استاذ بعد .. احسن لك اتقولي انت شعندك وتخلصني.
مبروك انا يا أستاذ باسم الله الرحمن الرحیم (يجلس بجانب ابورجب)
غالي اقومه ؟.
ابو رجب لا خله .. ايه قول بس لا تقول استاذ مرة ثانیة ولا كسرت قلم الكدو على سابعتك
اللي چنھا سابعة ام حمار .
مبروك أيھا ....
غالي المغفل .
بو رجب شنھو ؟.
غالي ھذه اسطوانته من شفت ويھه .
مبروك انا الذي اتیت كي اصحیكم من نومكم .
بو رجب اقول يا .
مبروك نعم قل .
بو رجب اسلیمه اتصكك .
غالي ھیه .... ھیه عمي اينكت .
بو رجب چب .. چب اللحین انت اتصحي الناس والله متاخر انت بالله علیك ما سمعت عن بك
بن .
مبروك ايه أكمل .
بو رجب وشاكمل .
مبروك بك بن من ؟
بو رجب يبه خرفت .
مبروك نعم قصدك الساعة ولكنھا لا تنفع في نومكم .
بو رجب خل عنك الخرابیط ، وقولي انت ادور من ؟
غالي ايه صچ انا اول ما شفته قلت ھذيه جاسوس .
بو رجب غالي چب .. يالله قول لنه انت من تبي؟
مبروك لماذا احدثك وانت لا تفقه شي .

بو رجب في الطقاق .. يا غلوي ھات الكدور عور راسي ھالطرار .
مبروك أيھا المقھوي .
غالي ھذي اللي بادخل السجن علشانه ...... نعم .
مبروك بكم تبیع الشاي .
غالي بربع ريال .
مبروك والماي .
غالي (يضحك) ببلاش بس لازم معاه طلب .
مبروك إذا أعطني واحد شاي وخمس كؤوس ماء .
غالي ما شاف خیر مولیه (يدخل بوغرشة رجل ماكر يبیع الخمر)
بو غرشه السلام علیكم .
مبروك وعلیكم السلام ورحمة الله وبركاته ، اھلاً يا بني تفضل .
بو رجب بس عاد ما اذيتنه ، خلنه انعرف نتكلم .. تعال انته .
بو غرشه نعم عمي نعم .
بو رجب رحت ؟
بو غرشه نعم عمي رحت .
بو رجب ويبت الغرض ؟
بو غرشه يبته ، يبته عمي .
بو رجب ووديته؟
بو غرشه نعم ووديته محل ما قلت لي .
بو رجب لكن شوف من شفته ناقص قطره وحده مصیت دمك.
بو غرشه والله العظیم ما طلعته من الخريطه .
بو رجب عدل شغلك زين توكل على الله .
بو غرشه اقول عمي .
بو رجب قول شعندك .
بو غرشه اقول ھذي .

بو رجب منھو ؟
بو غرشه ھذي عمي اللي چنه ديچ رومي .
بو رجب شبلاه .
بو غرشه من وين شارينه .
بو رجب (يضحك) حسبي الله علیك ھذه يشترونه .
بو غرشه ايه عمي وبعض الساعات اذا اشتريت تلفزيون يعطونك واحد وياه .
بو رجب ھذه واحد اعرفك (موجھا خطابه لمبروك) شفت .. تفضل يا بني ھا .
بو غرشه اقول يا غالي يبلي واحد شاي (يجلس بجانب بورجب فیصرخ فیه بغضب)
بو رجب قم .. قم يالله عاد قم .
بو غرشه ولیش عمي .
بو رجب عمت عینك يالله قم يالله .
بو غرشه ولیش عمي لیش .
بو رجب اللحین لین مر حد وشافك يالس احذاي شبیقول عني ولازم اتعرف انت من وانا من ،
ايه والله تسمت وقال ھات واحد شاي (بوغرشه يسیر مبتعدا ويجلس في
طرف المقھى)
غالي حلیب ولا حمر؟
مبروك وما نوع الحلیب الذي تستعملونه ؟
غالي حلیب نیدو .
مبروك حلیب بعلب .
غالي لا حلیب قواطي .
مبروك اذا ضع قلیلاً من الحلیب .
غالي تفضل.
مبروك وأين الحلیب .
غالي في المیناء للحین ما حولوه .
مبروك ولكنك .
غالي صچ انك دعله الريايیل ما يشربون حلیب .

مبروك لماذا ؟
غالي بس الإنكلیز اھم اللي يشربون حلیب لانھم متعلمین علیه من يوم اھم صغار .
مبروك ونحن كذلك .
غالي لا يا عیني احنا مب كذلك .
مبروك كیف ؟
غالي انا اخبر امي تترس مرضاعتي صالونه نواعیض .
مبروك ولكن الحلیب ضروري لھا يا ... .
غالي الثانیة احسن .
مبروك يا القرد .
غالي يديده .
مبروك وتركب علیك .
غالي وين اتییب ھالكلمات الزينه صج انك دعايه .
مبروك جب .
غالي ردينه الله يسامحك ، ما علیك شرھه .
مبروك اسمع يا بني قل لي من ھذا الشخص المتجبر الذي يجلس ھناك (يشیر الى
ابورجب)
غالي ما تعرفه ؟!!
مبروك لا .
غالي فیه حد في الدنیا ما يعرف ابو رجب .
مبروك وماذا يعمل ، ھل ھو مطرب ؟
غالي مطرب بل چان قامت الحرب .
مبروك ھل ھو ممثل ؟
غالي يحلیلك ھذي ممثل .
مبروك اذا قلي أنت من يكون ھذا الإنسان الواسع الانتشار ، ايه افتكرت ، ھو مدرب كرة قدم.
غالي لا .. لا ارفع .. ارفع .

مبروك ولكنك قلت إن المشاھیر ثلاثة مطرب اولاعب اومدرب .
غالي صج ، لكن ھذيه اھو اللي زانطھم كلھم .
مبروك ھذي تاجر .
(تخرج أم سالم من منزلھا تشاھد ابورجب فتتجه الیه شاكیة متذمرة من
جارھا راشد)
أم سالم صبحك الله بالخیر يا بو رجب .
بو رجب ھلا حیا الله أم سالم .
أم سالم حیا الله الغالي ، حیا الله سرايه الفريج ، حیا الله شیخ الريايیل .
بو رجب ھا شل الأخبار يا أم سالم ؟
أم سالم والله يا بو رجب ھالجار ملعوزني اھو وعیاله .
بو رجب منھو ؟
أم سالم ھذيه اللي ماينذكر .
بو رجب رشود .
أم سالم مغربلني اھو وعیاله مب امخلین شي في بیتي صاحي والمصیبه لین حاجیته يیلس
ايتطنز علي .
بو رجب تبیني اطرده من الفريج .
أم سالم لا .. لا ..لا .
بو رجب اسفره .
ام سالم لا .. وعلّیه بس حاجه .
بو رجب شعنه احاجیه ؟
ام سالم عني .
بو رجب وشاقوله ؟
ام سالم قوله يا راشد ام سالم تسلم علیك وتقولك رد اعیالك ولا .
بو رجب ولا شنھو ؟
ام سالم (بخجل) ولا يدور له مره اتربیھم .
بو رجب (يضحك) عدل ، عدل زين يا أم سالم ولا يھمج انشالله اقوله .
١٦
أم سالم عسا الله يطول في عمرك ويفتحھا علیك (تنتبه لوجود مبروك تتأمل ملابسه
الغريبة) اقول بورجب .
بو رجب خیر .
ام سالم اقول شالكرديه اللي عندكم .
مبروك تعال ايھا المقھوي .
غالي نعم .
مبروك خذ الربع ريال .
بو رجب لا يبه نص ريال .
مبروك ولماذا ؟
بو رجب بس ھالشكل .
مبروك ولكنه قال ربع ريال .
بو رجب لا قال نص ريال .
مبروك يا ھذا الم تقل ربع ريال .
غالي وانت شتقول يا عمي .
بو رجب انا اقول انك قلت نص ريال ، وھو يقول انك قلت ربع ريال .
غالي عمي ما فھمت قول مره ثانیة .
بو رجب اقولك انت اتقول انه اھو ايقول انك انت اتقول ربع ريال وانا اقول انك انت اتقول مو مثل
ما يقول انك قلت نص ريال .
غالي كلام عمي عدل ، كلامك عدل يا عمي يالله ھات ربع ريال .
بو رجب نص .
غالي اقول الجاي بنص ايه بنص طاح نصك .
مبروك ولماذا ؟
غالي لانه عمي قال بنص .
مبروك اذا طاح نص عمك .
غالي شنھو .
بو رجب شفیك ؟

غالي عمي .
بو رجب اشبلاك ؟
غالي سبك ، سبك يا عمي .
بو رجب لا .
غالي والله العظیم سبك .
بو رجب وشلون عرفت له ؟
غالي لا عمي سبك بلغتنا .
بو رجب خله ھذي الإدعايه (تدخل فتاه وتقف جنب المقھى) بس روح ، روح .
بدريه اقول .
بو رجب قولي .
بدريه اقول .
بو رجب قولي يبه قولي .
بدريه اقول .
بو رجب قولي قلنا لج قولي ولا تبین فرقة موسیقیة .
بدريه ياه انا احاجي راعي القھوه .
بو رجب ولیش احنا ما نعرف انتحجه حاجھا يا صبي .
غالي نعم .. نعم .. انا راعي الجاي ، اقول انا راعي الماي .لا .. لا راعي القھوه وراعي الھیل
بعد آمري .
بدريه اقول .
غالي على مھلچ ما تقدرين باقول عنچ .
بدريه اقول راعي الدكان اللي احذاكم لیش ما فتح الیوم .
غالي ايه الیوم معطل
بدريه عیل وين احصل صابون ؟
غالي عند البنچري اللي في راس الشارع .
بو رجب اخ نسیت اورد صابون .


بدريه مشكور .
غالي حیاچ الله .
بو رجب غلوي شالچذبه العوده ، صابون عند البنچري .
غالي لا عمي لا چذيه ولا شي .
بو رجب شلون عیل .
غالي البنچري يبیع صابون واغتر مره امي قالت لي تبي حنه اظافر .
بو رجب صبر اشوي امك تبي حنة اظافر .
غالي ايه والله حنة اظافر .
بو رجب وللحین لھا اظافر ..زين كمل .
غالي رحت ادور تدري وين حصلته ؟
بو رجب اكید في السوق .
غالي لا والله يا عمي حصلته عند بیاع السمبوسه (يضحكان) .
مبروك لو سمحت يا استاذ .
بو رجب يبه انا مب استاذ والله اما يودت السانك .
مبروك مھلا .. مھلاً يا سید انني أود أن اسئلك سؤال .
بو رجب طرشه بالبريد (يقف المخرج مرة أخرى معترضا سیر الأحداث)
المخرج بس .. بس رديتوا مره ثانیة اتخربطون بس .
بو رجب ايش فیه بعد؟
المخرج يبه محد حاچاك .
مبروك خیر انشا الله .
المخرج (لمبروك) يا حبیبي قلت لك من الأول انه دورك مب راكب في المسرحیة .
مبروك بس ارجوك عطني فرصه اللحین الناس شافوني .
المخرج مب مھم انا .. ما قدر اكثر ، ما قدر اصبر اكثر من ھالشكل .
مبروك بس ارجوك بس ھالفرصة آخر مرة .
المخرج ما اقدر الناس يبون يستانسون لا الممثلین يبغونك ولا الناس يبغونك .

مبروك بس لیش ؟ مع انني طیب وامثل زين .
المخرج انا اقول لك لیش لا انه لا الممثلین عارفین شنھو دورك ولا الناس .
مبروك وما العمل .
غالي العمل انه انشیل دورك ونرد المسرحیة من الأول .
مبروك ارجوك اعطني اخر فرصة خلني استمر وبعدھا احكم علي .
المخرج ولكن دورك مب راكب كلش چنه شوكه في جسم بنت حلوه .
مبروك انا .. انا شوكه دعني اثبت لك العكس .
المخرج خلاص يا سیدي آخر مرة وحاول تقنعني بضرورة وجودك في المسرحیة يالله واصلوا ..
بو رجب (يسیر للمخرج مھددا المخرج يخاف منه) ھذي اللي فیك .
المخرج محد كلمك يا أخي .
بو رجب اخي .
المخرج يا عمي .
بو رجب يالله برع .
مبروك (يحدث نفس ه) محد يفھمني لیش من الصبح وانا ادور واحد اكلمه مب محصل لكن
لازم اثبت له اھمیة دوري (يدخل شابان فرج وعبدالله يجلسان على احدى
كراسي المقھى)
فرج لكن شلون بتدبر المبلغ ؟.
عبدالله قلت لي شلون بادبر المبلغ ، امس يا لحبیب رحت حق الوالد وحاولت وياه لكن ما في
فايده اكثر ما علیه قالي روح دور لك شغل .
فرج والمدرسة .
عبدالله لا اھو قصده في الصیف بس .
فرج بل حاسدينه على الاربع اشھور اجازة .
عبدالله ولا میود على انه صار له ثلاثین سنه في شغ له ماخذ اجازة الا شھرين حق الحج ،
ولا انه العمل عباده على قولته ھذيه ما منه فايده ورحت حق اخوي العود .
فرج زين وشقالك .
عبدالله ايه رحت له اتعرف عاد انا مستذبح على القاھرة والفلوس .
فرج لازم تتطلع .

عبدالله ايه وقلت له بالسالفه عقب ما حببت عیاله وحملتھم وبقیت احب مرته .
فرج والمھم شقالك .
عبدالله قالي روح دور لك ھوايه واشغل وقتك احسن لك من ھاللعبة .
فرج واحنا عندنا وقت فراغ علشان نشغله المھم الأخیر .
عبدالله رحت حق الوالده .
فرج امك يعني .
عبدالله لا عیل امك .
فرج اكید عطتك .
عبدالله عطتني - عشر ريالات قلت له يمه باروح مصر عبالھا على العادة دائماً اقولله باروح
الوكره ولا دخان ولا الخور تعطیني عشر ريالات حق البترول وعبالھا مصر نفس الشي .
فرج شقلت لھا .
عبدالله شاقولھا بعد ... الوالده يا فرج مال يمه باصب بت رول التاير امبنجر . بايب اثیابي من
الدوبي يعني مال عشر خمس بس ھذيه كدھا .
فرج عیل للحین ما قلت لي اشلون بتدبر روحك .
عبدالله اللحین وصلنه للجد ... يا غالي ھات لنه ثنین چاي شوف شباسوي ، باروح اشتغل
مثل ما قال ابوي .
فرج اخ .. اخ علیك تبي الناس يقولون عنك محتاج يشتغل في الصیف .
عبدالله صبر اشوي انت .. انا باشغل وطبعاً بافتح لي احساب في البنك وباحول راتبي على
ھالبنك ، ولین حولت راتبي بیرضون يعطوني كمبیالات باخذھا وعلى القاھره .
فرج مته ؟
عبدالله عقب اسبوع .
فرج والشغل .
عبدالله اي شغل انا بس المھم افتح الحساب ويوقعون على الكمبیالات ، وبعدين بیخصمون
علیھم بیروحون عند ابوي يشتكون وانا اھناك طبعاً بیدفع لھم .
غالي الچاي يا شباب .
مبروك تعال يا غالي .
غالي وين الله قطك انت اھنیه يا حچي طس ابعمرك ولا مب طالع منیه الا راسا على دار
المیانین .

مبروك يا بني الترحال والإكتشاف مفید للإنسان .........
بو رجب عندك اياه شغله .. شغله .
مبروك قل لي أين تقع أھم بقعة في منطقتكم ؟.
غالي اھنیه طبعاً الكناسین اول ما يخمون اھنیه ، تصلیح المجاري أو الماي أو الكھرباء ، اول
اھنیه حتى البیايیع اول ما يمرون اھنیه .
مبروك ولماذا كل ھذه الأھمیة ؟.
غالي علشان عمي بو رجب كله يیلس اھنیه .
مبروك ومن ھو صاحب المقھى انت أم ھو ؟.
غالي آنه .
مبروك عیل خذ ھذا الربع ريال ولا تقل له .
غالي يحلیلك صج انك دعايه (يدخل راشد يسیر تجاه منزله)
راشد سلام .
بو رجب ھلا .. ھلا حیالله الرشد .
راشد حیاك الله يا بو رجب .
بو رجب تعال انزين شبلاك كله مستعیل وبس .
راشد والله شاسوي يا بو رجب باروح اطبخ الغده حق الیھال .
بو رجب تعال انه ابغیك في سالفه اصغیره .
راشد (يلاحظ وجود مبرو ك) يه اكا عندكم مطوع ، قوه امطوع واللي يرحم والديك انا
راشد المشتري وامي اسمھا ملچه سولي يامعه واللي يرحم والديك.
مبروك يا بني انا لست .
راشد واللي يرحم والديك يا مطوع من يوم انا اصغیر كله ايلبسوني يامعه الله يخلیك امي
اسمھا ملچه الله يخلیك يا مطوع .
بو رجب يا راشد الله يھداك ھاذيه .
راشد يا بو رجب قوله واللي يسلمك والله ما رگد في اللیل قوله ايسوي لي يامعه وابوي
اسمه ملچه مطوع انا من يوم انا اصغیر علي يامعه بس ودوھا المتحف .
بو رجب بس عاد يالرشد ھذيه مب امطوع .
راشد ادري بس اھو لابس امطوع ، امطوع واللي يرحم امك لو ھالكبیر .

مبروك يا بني انا لست مطوع .
راشد يا بو رجب والله العظیم ھذي امطوع ما سمعت شلون يتكلم .
مبروك قسم بالله العظیم انا لست مطوع .
غالي ولا مال البوالیع .
راشد عیل شنھو انت ؟
بو رجب ولا احد يدري بس تعال اقولك عن ھالموضوع .
راشد خیر انشاء الله .
بو رجب اسمع يا راشد اللحین انت مب متملل من ھالعیشه .
راشد وشفیھا .
بو رجب اللحین انت بروحك ومن ماتت المرحومه لیش ما اتزوج مره اتحط بالھا على اعیالك
وتھتم ابھم .
راشد والله يا بو رجب انا فكرت في ھالموضوع بس شفت البحر غزير .
بو رجب شلون يعني ؟
راشد الفلوس جلیله على زمن المرحومة الف روبیة أما الیوم وينه ووينھم .
بو رجب اسمع يا لرشد انا عندي لك المرة اللي تبیك ولا تخسرك ريال واحد .
راشد منھي ھذي ؟
بو رجب بعدين بتعرف .. يا غال ي (يھمس له ببعض الكلمات .. يخرج) احنا ما يھمنا الا
راحتك يا راشد .
راشد والغرض .
بو رجب اتزوجھا وتیبھا في بیتك تربي اعیالك وتقضي حاجتك واذا عندھا بیت اتبیعه وتصلح
بیتك وتصیر غني ، الا اقول الرشد .
راشد نعم .
بو رجب من في ھالفريج ما تدانیھا مولیه .
راشد أم سلوم . (تدخل ام سالم وخلفھا غالي)
ام سالم انا يللي ما تستحي .
راشد يیتي .

ام سالم ياتك مرجده انا ام سلوم يشلخ راسك جدوم .
بو رجب يا أم سالم راشد يبي ايتزوجك .
ام سالم لا انا استحي .
راشد وانا مالي دعوه .
بو رجب البیت يا الرشد .
راشد بس من يبیه يا بو رجب ھذيه الا خرابه .
بو رجب صحیح من يبیه لكن دريت علشانك وعلشان الشیخة أم سالم انا باشتريه وباعطیك
مائة الف .
راشد احبچ يا ام سلوم .
أم سالم أم سالم .
راشد ام سلوم .
ام سالم انشاء الله .
راشد تحملي اتكسرين كلامي مرة ثانیة ، يالله جدامي ولازم اتعرفین انا الريال .
بو رجب وانا الذكي .
مبروك وانا .
غالي شفیك انت بعد .
مبروك الا يريد احد ان يصادقني .
عبدالله بو غرشه ، بو غرشه تعال .. تعال .
بو رجب احنا بنصدقك لكن لازم اول انعرفك زين .
مبروك الم تعرفني حتى الآن ؟ انا مبروك.
بو رجب مب كفاية احنا لازم .. لازم .
عبدالله انسويله محاكمة .
راشد منھو اللي انسويله محاكمة .
بو رجب الا رجعت ھا انشاء الله كلشي تمام .
راشد ايه ولا يھمك عطیتھا البشت تغسله حق العرس .

بو رجب سمعوا كلكم احنا لازم انحاكم ھالغريب .
الجمیع صح .
مبروك يا سكان فريق البركه (الجمیع يضحكون)
بو رجب فريق البركة فريچ البرچه يا مبروك .
غالي من وين ياي؟
مبروك من عندكم .
عبدالله بس احنا ما نعرفك .
مبروك كنتوا تعرفونني .
بو رجب وشنھو اللي يابك اھنیه ؟.
مبروك لاني حسیت انكم قربتوا تنسوني .
عبدالله ولیش تسمي فريجنا البركة مع انه اسمه البرجة .
مبروك لا اھو اسمه البركة بس انتوا طورتوه .
غالي ولیش رجعت مرة ثانیة اولیش تركت ھالفريج دامنك اتقول من اھنیه .
مبروك انا ما تركته على كیفي بل طردت منه .
بو رجب ومن الذي طردك .
مبروك انتوا .
بو رجب انت متأكد انك صاحي مب مینون .
مبروك انا أعقل منك .
عبدالله انزين مته طردناك .
مبروك من يوم ما صار فريق البركه البرجه ، ومن يوم ما ص ار كاس الچاي بنص ريال بدل ما
كان بربع
بو رجب شوف عاد لا تصیر يابس وايد وقولنه انت طرار تبي افلوس وانا باعطیك افلوس بس
اذلف عنا .
مبروك سمعتوا يا أھالي البركة الفلوس .
بو رجب البرجة .
مبروك البركة .

بو رجب البرجه .
مبروك البركة .
بو رجب اسمع عاد انا باعطیك مھلة لحد باچر الصبح ومن سمعتك اتقول البركة طردتك من ھا
الفريچ ولا باقص السانك بعد .
مبروك (يضحك) سوف اقول البركة الى بعد أن تموت .
بو رجب وحط بالك ما تتحرك من اھنیه طول اللیل غالي يالله بند القھوة وانتوا يالله كل واحد
يتیسر خله كرسي يیلس علیه .
(ينزل النور حتى يظلم المسرح ومبروك يتوسط المسرح)
نھاية الفصل الأول


المشھد الثاني
(مبروك لازال موجود أمام المقھى تسلیط النور على الجزء الواقع أمام
المقھى)
مبروك الزمن في ھذه المنطقة لا يحدد بالساعة ولا بطلوع الشمس أو القمر ، لقد اقتربت
المعركة على نھايتھا يا صراصیر اللیل لیكن معلوم لديكم ان مذاق الھزيمة مر ، مر ..
أين الزمن ؟ لماذا كل ھذا السكون؟ (يجلس على الكرسي ) ، لماذا لا أسمع ألیس
لھؤلاء الناس أحلام تعطي لھذا الظلام الفرح (فترة صمت ) ولكن ما ھو الفرح أھذا
الھزل الد ائر ھو الفرح ، أيھا السكون أيھا الظلام ھلي يستحق أھالي ھذه المنطقة
النوم ، ھل يستحقون الراحة ، لا .. لا ، فلیأتي النوم كحصان الحب ، لیأتي النوم
محملاً بالأحلام لیأتي النوم محملاً ببعض الأمل ، إن العرق الذي يحفر جباه الفقراء لا
يخمده النوم ، يظل يتطاول في أح لام الجوع في أحلام العطش . إذا فللفوز مذاق
الشھد ، ومن الآن وحتى الصباح سأثبت لكم دوري في ھذه المسرحیة ولن أكون من
ضمن الكومبارس لن أكون ممثل على ھامش المسرحیة ، لن أرضى غیر البطولة.
(تخرج أم سالم من منزلھا وھي تنظر بقلق إلى الطريق)
أم سالم (تبكي) وينك يا سالم ، وينك يا ولدي ، يا ربي صارت الساعة ثلاث ولا يه .
مبروك المعذبون في الأرض .
أم سالم (تفزع لوجود مبروك) بسم الله الرحمن الرحیم .. من
مبروك صديق يا أم سالم .
أم سالم بس انا ما عرفك ابي ولدي ، ولدي للحین ما يه .
مبروك له من العادة ان يتأخر .
أم سالم يتأخر .. ولكن مب لي ھالحد .
مبروك اقتربي يا أم سالم ، فأنا مبروك .
أم سالم انا أبي ولدي ، ابي ولدي ، وينك يا سالم .
مبروك اسمعي اذھبي الى البیت وأنا سوف أبحث عنه .
أم سالم شلون ايھیاني اروح البیت وولدي مادري ايشصار له .
مبروك خففي من روعك واذھبي وأنا سوف أآتي به سريعاً.
أم سالم يعني اعتمد علیك بتدوره ؟
میروك بكل تأكید .. بكل تأكید .
أم سالم لا .. لا مابیك ادوره ، مابیك ادوره ، شلون أآمن على ولدي وياك ، يمكن تقتله بس انت
محد ايعرفك ، بعدين شلون بتدوره وانت ما قط شفته .

مبروك اذھبي ولن ابحث عنه ، ولن ارافقه ، ولكنه سیأتي انشاء الله .
أم سالم يا رب ، يا رب رجعه ايه علیك يا سلوم .
مبروك أم سالم .
أم سالم شتبي بعد .
مبروك اين يذھب ولدك في العادة .
أم سالم ويا ربعه .
مبروك وعندما يعود ماذا يفعل .
أم سالم يفصخ نعاله .
مبروك لا .. لا .. لا انا قصدي بعد ان يدخل .
أم سالم يرقد مول حتى بعض الساعات ما يوھل يفصخ ثوبه.
مبروك ولماذا ؟
أم سالم من التعب يا عیني مسكین صاير ضعیف من التعب مايي في اللیل الا عینه حمره من
القرايه .
مبروك ورائحته ؟
أم سالم ريحته مو زينه . لكن انت اشدراك ، بس اھو يقول من كثر ما يغني .
مبروك خلاص يا أم سالم اتوكلي على الله روحي البیت وانشاله سالم يرد اللحین .
أم سالم يالله اتییبه ايه علیك يا ولدي .
مبروك وين ذھب ھذا الولد العاق ، مسكینة يا أم سالم سوف تتزوج وتبیع البیت .
(بعد أن تنصرف أم سالم يتجول مبروك في أنحا ء الحي مكتشفا مايدور
داخل المنازل)
النافذة الأولى
(بدرية فتاة في مقتبل العمر ممسكة بسماعة الھاتف وتحاول الاتصال برقم معین
ولكنه مشغول ، تكرر المحاولة حتى تنجح في الاتصال)
بدريه عیسى .. عیسى أرجوك اسمعني .
عیسى مین اللي يتكلم .
بدرية الله ما تعرف صوتي يا عیسى ، عقب ھالمده الطويلة وما تقدر تمیز صوتي ، عیسى .

عیسى لا .. لا .. لا عرفتج يا بدريه ، بس انتي تعرفین كنت راقد وما قدرت اتبین صوتج من أول
مره لكن شللي يخلیج اتلفنین اللحین .
بدريه عیسى ابوي .
عیسى شبلاه .
بدريه ابوي يبي ايزوجني .
عیسى لا .
بدريه والله الیوم يه واحد يخطبني منه واحد ما قط شفته ولا شافني ، مستحیل اتزوجه ، انا
احبك ، انت بس ساعدني يا عیسى .
عیسى لكن اللحین شاقدر اسوي .
بدريه ما تحبني ؟
عیسى لا انا احبچ بس اللحین ما قدر اتكلم .
بدريه بس انا حبیتك ما اظن اتخلى عني اللحین .
عیسى سمعي يا بدريه انا ما قدر اسويلج شي .
بدريه عیسى .
عیسى وبعدين الزواج احسن .. اللحین لا تخلیني اشوفچ ولا شي لین تزوجتي نقدر نتلاقى
دايماً .
بدريه لا يا عیسى بس انا احبك انت .
عیسى انا ادري وانا بعد احبچ واذا تحبیني تزوجي الريال وبعدين نسوي كل شي .
بدريه ومحبتك ووعودك لي بالزواج .
عیسى انتي ما تقدرين تمنعین ابوچ من أن يزوجچ وانا ما اقدر اتدخل .
بدريه لكن وين كلامك .
عیسى وانتي تصدقین الكلام ، تزوجي وتستمر علاقتنا بس من بدل التلفون لقاءات .
بدريه لكن لیش ما تقدم انت وتخطبني .
عیسى لكن انا ما اقدر .
بدريه لیش ما تبیني .
عیسى بلا بس انا متزوج وانتي بعد تزوجي ونصیر مثل مثل .

بدريه متزوج !؟ لا .. لا .. ما اتزوجه ولا ابیك يا كلب .
(نھاية النافذة الأولى)
مبروك ھذا كلب ؟ نائم جنب زوجته ويتصل بالبنات من على سريره المخملي ، إذا أن ا من
أكون وأنا نائم في الشارع .
(النافذة الثانیة)
(بو رجب يجلس على مكتبه)
بو رجب وربحت الجولة والبیت باچر يصیر من ضمن املاكي يا فراش .. يا فراش .
الفراش نعم عمي .. نعم .
بو رجب حد يبغیني ؟
الفراش انا ابغیك .
بو رجب صبر ايوب على بلواه .
الفراش لا عمي ما سأل عنك .
بو رجب منھو ؟
الفراش ايوب .
بو رجب زين يا يبه روح اتوكل على الله (يخرج)
تاجر (يدخل غاضباً) لا انا ما ادري شلون صابر على ھالفراش .
بو رجب خیر إنشاء الله سلم أول .
التاجر شللي حادك علیه ما تقولي .
بو رجب ايلس ، ايلس قولي اشبلاك وياه .
التاجر صادني انت ايوب عمي ينطرك ھذي امخلبص فنشه.
بو رجب خله عنك قولي انت اش عندك ؟
التاجر ايه .. ايه انا اسمع يا بو رجب اللعبة تلعب بأھلھا .
بو رجب شوي .. شوي اش ھالحمق ھاذي .
التاجر وين كوارتین المسامیر اللي قلت لي عنھم .
بو رجب ايه المسامیر بس ھذي الصفقة انا اللي ماخذھا .

التاجر صح بس انت قلت لي ابتعد عن طريقي وبعطیك دفعة المسامیر .
بو رجب اسمع اقولك انا بعطیك كوارتین المسامیر بس ب نفس السعر اللي اتفقنا علیه ،
ثلاثمائة كرتون بمائة الف ريال بس على شرط .
التاجر بعد شروط ما يكفي اني خلیت لك المناقصة الثانیة لكن ھات شرطك .
بو رجب شرطي يا طويل العمر شرطي انك تبیع رطل المسامیر ب ( ٢٠ ) ريال بدل ( ١٠ ) ريال .
التاجر بس ھذيه وايد .
بو رجب ادري انا عندي خمسمائة كرتون مسامیر من عشر سنین وصاروا حلیانین ما اقدر اربح
فیھم الربح العادي لو انت بعت بعشرين ريال كل التجار بیرفعون سعر الرطل الى
عشرين عقب ما تخلص مسامیرك ، انزل انا المسامیر اللي عندي بعشرة ريالات تربح
انت واربح انا ونكسر التجار .
التاجر خلاص انا موافق وبكره اطرش لك السیارات تحملھم.
بو رجب حیاك الله ان ما خلیتك اتوب عن المسامیر انا مب بورجب .
(نھاية النافذة الثانیة)
مبروك تقدر إذا ابشروا يا صراصیر اللیل لن تتسلقوا الا مسامیر صدئه .
(يدخل راشد وسالم وھما في حالة سكر)
راشد لا والله صدق المینون سالم ، سلوم ولد مرتي لا تصدق انا انا لا اتغشمر لكن والله
العظیم لو ما خلانا ندخل چان كسرت الباب ودخلت .
سالم صچ انه نعیه .
راشد لا النعجة شعرھا ابیض ، انت شعرك اسود ، انت چنك خاروف مال الزيران .
سالم انا من صرت انعیه صچ مشكله بتربطني امي ويا البقر .
راشد لا مب رابتطك ھي بتصیر ناقه ، يه اكا المطوع .
سالم مطوع صچ صچیوه .
راشد عیل تقلید .
سالم اقول مطوع قوه شلونك مطوع بلشتي .
راشد للحین مب مسوي لي يامعة .
سالم لا .. لا انا اول شوف يا مطوع في ابنیه تبي تشتري حلیب من عند ابقرتنا ، البنیه
حلوه وايد وانا حبیتھا ، وكل ما تشتري حلیب ابقرتنا وانا احبھا وابیك تسوي لھا طب
علشان كله اتیه وتحبني واتزوجھا .

مبروك ومن ھي ؟.
سالم بقرتنا .
راشد قول له اسم أمك .
سالم لكن انا ابي اتزوج البنیه مب أمي .
راشد لكن الطب ما يصیر الا بإسم أمك .
مبروك اذھب الى البیت يا بني فإن امك تنتظرك .
راشد امطوع انا أمي اسمھا ملجه .
مبروك يا بني إذھب لأمك .
راشد أمك عیوز امكسره تمشي وتحلب البقره (يخرجان) .
مبروك اقبل أيھا الصباح فلا للیل فائدة ولا للنھار فائدة ، اقبل .. قبل أن اختنق .
(يتصاعد النور ويدخل غالي وبعده عبدالله وفرج وبوغرشه ودھام وراشد
وسالم وأم سالم)
عبدالله بس انت .. بس انت اكید يا غالي خلیتوه يعترف .
غالي امكثر البارحة .. شتكلم عنه انت .
عبدالله انا سمعت لأول مره تصیر بوقه في فريجنا البارحة.
غالي انا ما سمعت لكن يجوز دام الناس مامنین .
راشد انا بتزوج آخر خبر بتزوج على كیفي مول محد له شي عندي اطقھا اطقني محد له
كار ، الزواج حلو يا غالي .
غالي تحمل تیلس .
راشد لكن اكوه المطوع يالس .
غالي ھذي أوامر بو رجب .
راشد لكن انا تزوجت وباروح شھر العسل .
عبدالله الله واكبر بتروح شھر العسل .
راشد ايه والله قلت لھا بنروح شھر العسل ، قالت لي ما تبي العسل الزبد احسن ، البقر
في البیت لكن قلت لھا لازم شھر العسل .
سالم ودوني وياكم يالرشد .
٣٢
راشد لا يا يبه خلني اروح وانا مفتح (يدخل ابورجب)
بو رجب السلام علیكم (الجمی ع يردون ، يجلس على الكرسي وينظر إل ى مبروك
باحتقار) ھا يا غريب .
مبروك مبروك .
بو رجب مب مھم شسم فريجنا .
مبروك البرچه .
بو رجب صوت ما سمعتك عدل .
مبروك البرچه .. البرچه .
بو رجب عیل اعترفت اللحین شتبني اسوي فیك ھا .
المخرج شفت شلون قلت لك من الأول مالك دور في المسرحیة ، رضیت يالله عاد اشوف روح
وراء المسرح ، انت گدك ممثل صغیر ، يالله وراء المسرح ونعید المسرحیة من ...........
(يتقدم ا لممثل الذي يقوم بدور ابورجب الى المخرج يدفعه جانبا ويمسك
بمبروك)
بو رجب لا يا مخرج اللحین مھب شغلك انا اللي اتصرف ، مبروك يطلع من المسرح كلش ...
برع (يدفع بمبروك خارج قاعة العرض)
المخرج النھاية غیر مقنعه ..
(الممثل الذي يقوم بدور بورجب يضحك)
النھاية