تأليف طلال بدوان
المشهد الاول
في غرفة الصف
[ الطالبات يدخلن الصف ويتحدثن مع بعضهن ]
أمل : حليتي الواجب يا سناء
سناء: لا والله.
أمل: ليش
سناء: مبارح رحت مع امي ع الصالة وروحت تعبانة. شو علينا الحين
أمل: علينا رياضيات.
[ تدخل المعلمة الصف ]
المعلمة: السلام عليكم
[تقف الطالبات]
الطالبات : وعليكم السلام
المعلمة: اليوم علينا يا بنات الرسم الهندسي . آآآة نسيت اجيب المسطرة . تعالي يا تهاني اقفي عريفة لما آجي
[ تخرج المعلمة تقف تهاني عند السبورة وتتكلم سناء مع امل ]
سناء : اش معنى المعلمة دايما بتختار تهاني بكل اشي بشو هي احسن مني
امل: يمكن عشان هي اشطر منك
سناء : لا انا اشطر منها والله لطلع واقف عريفة محدا احسن من حدا
[ تخرج سناء الى السبورة وتقف عندها وتتظاهر بانها عريفة ]
تهاني: اقعدي ولا بكتب اسمك
سناء: لا مش قاعدة
[ تدخل المعلمة الى الصف تشاهدها سناء ثم تدخل بسرعة الى معقدها ]
المعلمة: ليش يا سناء واقفة كنتي
سناء : لا ولا اشي كن بكب الورقة بالزبالة
المعلمة : نبدا درسنا يا بنات. المثلث هو . . . ..
[ يبدأ التمثيل الصامت بحيث تكون المعلمة تشرح والطالبات يرفعن ايديهن ويشاركن بالحصة وتنتهي الحصة.]
المعلمة: خلصنا لحصة يا بنات يلا مع السلامة
[ تخرج الطالبات من الصف واثناء خروجهن تدفع سناء تهاني من أمامها وتنظر اليها تهاني باستغراب]
المشهد الثاني (في بيت سناء)
[ في بيت سناء امها تمسك بمكنسة وتنادي عليها ]
ام سناء: سنااااء سناااااء تعالي يمه ساعديني في تنظيف البيت
[ تأتي سناء من غرفة أخرى وتمسك المكنسة وتكنس ببطء وبكسل وامها تنظر لها باستهزاء]
ام سناء : امسكي المكنسة عدل وله والله منت نافعة باشي روحي شوفي بنت جرانا بتسطك وبتلطك امها بتقولي محسنها بنتها شاطرة
سناء : يوووووه انت دايما انا مش عاجبك انا لسة زغيرة وشوي شوي عليه بتعلم انتي دايما بتحسيني بالنقص وانه كل البنات احسن مني.
ام سناء : طيب طيب كنسي وانتي ساكتة.
[ تذهب الام لغرفة أخرى وسناء تركز على المكنسة غاضبة وبتطمل راسها زعلانة]
المشهد الثالث ( لحظة الحقيفة )
[ الطالبات يدخلن الصف تخرج تهاني المساحة والطباشير وتضعها امامها على الطاولة ثم تحاور سناء زميلتها أمل]
سناء: ايش الي على طاولة تهاني ؟
أمل: هادي المساحة والطبشير تبعات المعلمة حطاهم معها
سناء : كمان شو هادا فش الا هي
أمل: حرة المعلمة تعطي مين مبدها
سناء : اجتني فكرة
أمل : شوهي
سناء : الحين بتشوفي اصبري
[ تستغل سناء ذهاب تهاني عن طاولتها لتحدث زميلة لها وتذهب لتأخذ المساحة والطباشير وتخفيها في طاولتها وتراها أمل زميلتها]
أمل: شو عملتي والله المعلمة لتدبحك
سناء: شو حيعرفها
[ تدخل المعلمة الصف ]
المعلمة : السلام عليكم
الطالبات يقفن : وعليكم السلام
المعلمة: تهاني هاتي المسااااااحة والطباشير
تهاني : حاضر يا معلمتي
[ تبحث تهاني عن المساحة والطباشير وهي مرتبكة ]
تهاني : وين الطباشير الحين سبتهم هون
المعلمة: وين راحو منك انا الحق علي الي اعطيتك اياهم خلاص ما بدي احطهم عندك مرة تانية
تهاني : يا معلمتي . . .
المعلمة تقاطعها: لا خلص ما تبرري خلص اليوم ما راح اكتب على السبورة عشان خاطرك
[ تبدأ الحصة المعلمة بتمثيل صامت كالسابق وتهاني تضع رأسها على الطاولة زعلانة اثناء الحصة وسناء تنظر لها ثم تنتهي الحصة وتخرج المعلمة للفورسة
[ الطالبات يتجولن في المدرسة تاتي أمل للمعلمة في مكتبها تطرق الباب]
المعلمة : فوتي يا امل اه شو بدك
امل : بدي احكي معك بموضوع
المعلمة : اقعدي
أمل : انا متضايقة وما قدرت اخبي عليكي لما شفت تهاني زعلانة ومتضايقة و بدي اقولك عن الي صار اليوم بالصف
المعلمة: احكي يالله
أمل : هادي سنااء . . . .. . . .
[ تكمل الحديث معها بمشهد صامت والمعلمة تهز برأسها ]
المعلمة : انا عرفت ليش سناء عملت هيك بعدين بتعرفي يالله روحي الجرس رن على الطابور وشكرا لصدقك وما تخبري حدا بالي صار بينا.
المشهد الرابع ( مع المرشدة )
[ الطالبات في الصف والمعلمة تشرح تدخل المرشدة الصف ]
المرشدة: بدي سناء لو سمحتي يا أبلة عشان تساعدني شوي
المعلمة: سناء روحي للمرشدة
[ تخرج سناء مع المرشدة الى مكتبها ]
المرشدة : كيف حالك يا سناء كيف دراستك
سناء: كويسة
المرشدة: في عندك مشاكل بالبيت كيف اهلك معك
[ تصمت سناء قليلا]
المرشدة : اه حاسس انه فيه مشاكل صح احكيلي تخجليش
[ يتم المشهد بصمت وكنها تحاورها ]
المرشدة: فهمتي يا سناء الي حكيتلك اياه
سناء : اه فهمتك
المشهد الخامس ( تصفيق )
[ تدخل الطالبات الى الصف وتأتي سناء الى تهاني وتعطيها المساحة والطباشير ]
سناء: انا آسفة انا لي اخدتهم منك سامحيني
تهاني : مسامحاكي يا سناء . وبدي أقولك اشي . انه انا احسن منك.
سناء: ايش ؟
وانتي احسن مني يعني أنا وانتِ أحسن من بعض.
[ تسلم كل منهن على الأخرى وتدخل المعلمة العربي للصف ]
المعلمة : السلام عليكم
الطالبات : وعليكم السلام
المعلمة: درسنا اليوم قراءة عن الغيرة. شو هيه الغيرة وهل هي صفة حسنة ام سيئة ؟
[ ترفع الطالبات ايديهن ]
المعلمة : اه سناء قولي
سناء : الغيرة صفة مش منيحة
المعلمة : ليش
سناء: لانه بيصير مشاكل بين الناس ورسولنا امر بالمحبة بينا
المعلمة : طيب شو الصفة الحلوة الي ممكن تكون احسن من الغيرة ؟
سناء: المنافسة
المعلمة : احسنت يا سناء زقفولها
[تنتهي المسرحية بتصفيق الطالبات ]
0 التعليقات:
إرسال تعليق